黃秋生周博賢開火「廢話」「低票」互譏出局

昨日特首選委會選舉點票結束，有份爭奪文化小組（15席）的黃秋生和「樂壇長毛」周博賢皆敗北，兩個男人卻由選戰變罵戰，秋生寸爆周博賢經常廢話連篇，除了消費梁振英之外沒第二招，周博賢則反擊秋生提梁振英的次數比自己更多，更暗嘲秋生得票包尾致以安慰，結果被秋生狠插：「呢啲咪懶係禮貌嘅虛偽嘢！」

特首梁振英上週五忽然宣佈放棄競逐連任，令特首選委會的選戰更激烈，昨日公佈點票結果，黃秋生和周博賢分別有份競逐文化小組，可惜鎩羽而歸，敗給由汪明荃、鄺美雲等組成的「文化共融小組」，秋生更得票包尾，他昨在facebook揞名寸爆周博賢：「我真係冇法再忍受聽嗰啲廢話，除咗攞梁振英嚟消費仲有冇第二招……人哋都話唔選咯，冇咗呢條反梁大

計，諗過第二條橋啦，十下十下。」

樂壇長毛周博賢暗寸秋生提到梁振英的次數更多。資料圖片
藝發局選舉結怨

秋生和周博賢不和，始於今屆藝發局選舉，秋生輸給跟周博賢有連繫的李俊亮，對於被秋生在社交網揞名狂寸，周博賢昨在電話反擊秋生：「其實我哋成本小冊子，梁振英出現次數可能只係一次，唔係好多，可能佢status提梁振英次數，比我哋成本小冊子提嘅次數更多。」昨日獲423票的周博賢更潤爆獲216票包尾的秋生：「我都欣賞佢出嚟參選呢個行動，最後以低票落敗向佢致以安慰。」

周博賢重申其15人組成的「文化同行」政綱：「我諗佢都係針對一般泛民，即係ABC（Anyone but CY）策略陣營，我哋唔係ABC，我哋係BC，而反對梁振英連任只係我哋嘅政綱其中一個啫，我哋嘅政治立場係反對人大831、反對立法會功能界別嘅制度同爭取真普選。」

製造反梁偽命題

昨日電話訪問中，秋生反駁周博賢：「佢哋（文化同行）唔喺小冊子提嘅，喺啲訪問，周博賢即係當咗自己代表曬14個，係代表人物。其實我唔係剩係講佢，我又冇指名道姓，我係講成件事，佢哋係一組人，你可以摷返之前佢哋係講ABC。」

忍到現在才爆seed的秋生，強調這是邏輯問題：「忍忍忍，點解忍到𠵱家至講呢啲，因為之前參選緊，費事攞啲嘢嚟話人。𠵱家冇官一身輕，覺得佢哋創造咗一個廉價符號『反對梁振英連任』，呢個係偽命題，因為梁振英冇話過出嚟選，即係我話反對米奇老鼠做特首一樣，係假㗎嘛！」

黃秋生曾在12年出席梁振英的新書發佈會。資料圖片

周博賢和李俊亮上月在藝發局選舉中挑機成功，擊敗了黃秋生。資料圖片
秋生直斥周博賢拿著「我是一個反抗者」的招牌，吸引人去支持，反而不做正事，秋生說：「即係代表文化界，我唔提文化政策，只要我提反梁振英，就係一個hero，大家唔使做其他嘢啦。」更狂插周博賢恭喜自己低票落敗虛偽：「我梗係低票落敗，唔係你以為我會高票當選，呢啲咪懶係禮貌嘅虛偽嘢，大家聽字面都聽到啦。」

至於跟周博賢雙雙落選，秋生說：「弓唔好張得太滿，說話唔好說得太死，之前啲囂張跋扈，聽聞有人話攞曬15席，嗰啲咁嘅說話邊度講得㗎。」

採訪：皓騫、何永寧
from:http://hk.apple.nextmedia ... 161213/19863198

金像影帝黃秋生和樂壇長毛周博賢都是惹火人物，現年46歲的周博賢於香港大學法律系畢業，取得律師牌照的他卻轉投音樂幕後人，集曲、詞、編、監於一身，02年於歌唱比賽擔任評判發掘了謝安琪，為她寫作多首歌曲包括《山林道》、《雞蛋與羔羊》等，近年更創作不少社運歌，故被封為「樂壇長毛」。

周博賢在雨傘運動期間曾爆seed：「繼續扮瞓，撫心自問，對唔對得住下一代？」對於品牌Lancôme取消何韻詩音樂會，力斥：「這不是關公災難，是我們的災難！」秋生前年在fb指新華社是自大狂：「沒大陸難道地球就不轉了？」又曾關閉新浪微博評論及停止更新。
from:http://hk.apple.nextmedia ... 161213/19863200

葉劉淑儀去年出席祈福活動時被麒麟撞開。資料圖片
曾俊華昨日辭任財政司司長，似為選特首鋪路。雖然黃秋生失落選委會冇份選特首，但他大讚曾俊華：「如果我唔覺意入咗去，可能都會投佢一票。曾俊華整體性幾好，唔乞人憎。」不過他認為作為特首候選人，都應以政綱行先。

對於有意入閘的林鄭月娥跟葉劉淑儀，秋生較偏向林鄭：「我個人好迷信嘅，讀書唔多，我就唔會揀一個俾麒麟籮柚撞開嘅人……大吉利是呀，中國人吖嘛，新年流流唔老嚟，你敢唔敢揀吖？林鄭就似樣，呢個人忍得，有行政經驗。」另外，秋生在facebook的留言引來30多個回應，有網民質疑他是梁粉：「四年前都唔會支持689啦！」秋生就叫人重溫訪問，又指如果是梁粉就不會被封殺到現在。

採訪：何永寧
from:http://hk.apple.nextmedia ... 161213/19863202