黃秋生跟潘燦良崔護重來合演《狂揪夫妻》，不變的是劇情，改變的是秋生劇中太太吳君如，變了潘燦良未婚妻蘇玉華。潘Sir雖然求婚成功，但兩人仍然不肯以夫妻相稱，有別於一拍拖就已經「老公」、「老婆」互喚的時下青年。
撰文：何永寧
黃秋生跟潘燦良早前在紅磡接受本報訪問，為下月公映的舞台劇《狂揪夫妻》宣傳。今趟二度公演，君如換成蘇玉華，人稱潘Sir的潘燦良期望可以有新的衝擊，他說：「未睇嘅觀眾可以睇，睇咗嘅觀眾又可以入場睇多次，幾好呀。其實呢個組合好特別，秋生同甄詠蓓係師兄同師姐，我同阿蘇係同學。」他表示觀眾將君如及阿蘇的演繹方法比較是正常的事：「或者我咁講，君如對大眾趣味捕捉好強，阿蘇喺舞台有親和力，文藝氣息會重啲。」
蘇玉華取代君如（小圖）演出，秋生認為更富文藝氣息。
回歸本土
對於每次訪問都有的婚嫁必答題，潘Sir略帶靦腆的說：「求咗（婚），佢都應承，結婚隨時都準備，隨心隨意啦，冇話一定要幾時。」同場的秋生對於再演《狂》，從戲劇角度分析說：「好嘅作品有好多唔同視點，如果要比較，上次（跟君如合作）娛樂性高啲，比較通俗，今次會冇咁通俗。」秋生表示希望今次可以將劇本變得更本土化，他說：「個劇本原著係一套外國舞台劇，入面提到好多事物都好外國，希望儘量本土啲，觀眾易明同可以代入多啲。即係譬如劇本原本用紅酒、芝士，你貼近番啲本土咪用二窩頭、腐乳。」他認為好的劇本可以有很多創造空間，讓演員有發揮，他說：「好似劇本話要我做一個『有錢佬』，咁係真有錢定假有錢，劇本冇講，呢啲就要由演員自己去想像同發揮。」
場地提供：逸．酒店
化妝：Priscilla Choi Spectrum（潘燦良）、Jolinn Ng（黃秋生）
髮型：Ray Mork of Fifth Salon（潘燦良）、Jeff Wu（黃秋生）
服裝：agnès b.（潘燦良）
from:
http://hk.apple.nextmedia ... 151211/19407138
