踢著人字拖的麥明詩昨午由巴西返港，樣子看來疲倦不堪。
香港前日證實有人感染肆虐美洲等多國的寨卡病毒，不過在巴西為無線主持奧運節目的麥明詩、韓毓霞和丹尼爾昨日由巴西返港，過關時均不用接受特別檢疫，三人亦不擔心受感染。
麥明詩推著四件行李於昨午4時許與韓毓霞等人抵港，穿上人字拖的她疲態盡現。問她是否曾被蚊叮蟲咬時，麥明詩說：「陸續都有，後來見巴西人都好唔care，自己都入鄉隨俗，何況俾蚊咬都唔係咁嚴重啫，自己都著長衫長褲，就算啲蚊咬到啲位都好少。」可擔心受感染？她說：「唔咬都咬咗，亦改變唔到事實。我睇咗啲報導話影響生育，我又唔諗生育住，只不過驚啲菌會帶畀個環境，如果稍後有時間都會去檢查，不過自己聽日、後日都有工作，如果有快測試就好啦。」麥明詩表示過關時未有特別檢查，而對於男友林作揚言要隔離她，麥明詩滿不在乎說：「冇所謂啦！」
麥明詩、韓毓霞（左）及丹尼爾昨在機場停下來接受傳媒訪問。
雖被丹尼爾讚表現好，但麥明詩自覺是最差的奧運主持。
與麥明詩陷入冷戰的林作，昨未有到機場接女友。資料圖片
拒向林作報平安
林作及麥明詩家人昨日均未見前來接機，問麥明詩是否不見更好時，她未有正面回應，只說：「其實我𠵱家有啲『瘟瘟燉燉』，同埋做嘢都好攰，想快啲返屋企。」麥明詩揚言有跟男友正常溝通，但問她抵港後可有向男友報平安時，她卻說：「佢都係睇新聞知道我嘅消息。」麥明詩入住當地傳媒村期間發現遺失數百美元，她昨日表示已經報警，自己和公司亦有買旅遊保險。訪問後，麥明詩推著行李獨自乘機場快線回家，認真慳家。
韓毓霞亦表示在港過關時未有特別檢疫，由於自己未被蚊叮過，所以不太擔心，她說：「我喺當地都有噴蚊怕水，亦著長衫長褲，知佢哋每日喺傳媒村都有噴驅蚊藥水，環境都OK，反而有日去伊瓜蘇瀑布，見到有團人其中一個俾蚊咬到腫咗，比較擔心嗰個人多啲。」丹尼爾則說：「我俾蚊咬過耳背，返嚟香港都會做檢查。」
採訪：卓寶花
攝影：沈健程
from:
http://hk.apple.nextmedia ... 160827/19750736
