林作講狀元自慰論關乎艱難生活麥明詩幫林作拆彈

1^# 大中小 young 發表於 2017-7-15 17:31 發短消息

相關主題: 麥明詩

現年27歲的林作經常語出驚人，前日中學文憑試DSE放榜，6位出爐狀元不約而同表示要從醫，當一般人都拍掌讚好，林作卻狠批狀元們是思想狹隘、讀書機器及自慰式思維。言論激起千重浪，網民留言有撐有反。林作前晚在電話中堅持不收回言論：「呢單嘢我企硬！」舊愛麥明詩昨則替他解畫：「佢係話多元化對社會好啲！」

林作舊愛麥明詩，昨日和籃球健將方詠琳在觀塘出席活動，對於林作的自慰論，麥明詩說：「香港環境令到諗嘢可能較直線，呢個係關乎生活艱難嘅事，有高薪厚職未必買到樓，明白佢嘅方向係話，如果容許嘅範圍內多元化啲，對社會會好啲，但會有社會限制，要安穩生活無可厚非。」

至於林作表示可用自己改變世界，麥明詩說：「醫生都有貢獻世界，佢想表達一雙手貢獻可以點樣發大嚟做，一個人做有限，如果係一個科技或者政策就可以變得好大，呢個視野係啱嘅，專注喺考試策略，當然有好成績都幫到人，但未必係佢所講的遠景。」

採訪：王梓嫚、王連連
攝影：徐錦池、孔志豪
from:http://hk.apple.nextmedia ... 170714/20088498

廷伸閱讀/相關主題推介:

相關主題:麥明詩

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-7-15 17:34 發短消息

稱六狀元想做醫生係自慰式林作：呢單嘢我企硬

【無損心情】

林作前日以自慰論來批評6位出爐狀元均立志行醫，晚上就到中環食法國菜。

林作今年2月正式放棄大律師執業，轉投教育界及娛樂圈。前日中學文憑試DSE放榜，6位出爐狀元同時立志做醫生，林作之後在facebook貼文：「每年我都要講一次，讀書最勁嘅人去晒做醫生同律師，非香港之福。」他又批評各人是「思想狹隘（narrow-minded）的讀書機器，難有大成就、自慰式（masturbatory）咁埋首喺自己狹窄專業世界嘅一日。」隨即被網民怒插。

【把酒言歡】

林作懶理網民的反對聲音，相約朋友嘆紅酒。DV圖片

【照顧靚車】

酒後不駕駛，兩杯酒落肚的林作即叫司機來將其座駕駛走。

照嘆紅酒

林作前晚在電話中堅持為言論企硬：「我所講嘅自慰式，其實係好西方嘅講法，我特登寫埋masturbatory呢個字，西方嚟講，呢種講法唔止係sexual，同時係講自high嘅嘢，你自己覺得做到好開心，但其實對世界完全冇影響，所以我今日特別有註解呢個字。」他續謂：「香港社會如果最精英嘅人去做醫生，就係設立緊壞例子，因為真正做公共事務，去貢獻社會，就會唔見咗好多叻嘅人，剩番啲弱雞嘅渣人，庸才當道，呢個係好危險。」

雖然忙於回應網民，但前晚9時多，林作仍有空與友人去中環食法國菜兼嘆紅酒，直至晚上11時多仍未離開，林作在電話中表示那些是他英國讀書同學。
from:http://hk.apple.nextmedia ... 170714/20088941

TOP

3^# 大中小 young 發表於 2017-7-15 17:47 發短消息

林作強調內涵追女

林作無懼惡評，自言會繼續做個敢言的人。攝影：沈健程
林作於今年書展出書《讀完這本書，你會曉用英文追女仔》，他說：「賣點係令你更加gentlemen，冇咁毒L，體面少少。」他又謂：「我追到女仔嘅原因，唔係因為我有米，唔係因為我把口掂，而係我真係有啲內涵嘅嘢畀個女仔見到。」林作今日出席活動時，對於被網民圍插，他謂會繼續做自己，做個敢言的人。

伍家謙出書談採訪經歷，並感激已故恩師伍晃榮對他的教導。

有「體育新聞王子」之稱的伍家謙，今年亦出書《伍家謙，交畀你講體育》，他接受本報訪問說：「書講番以前採訪經歷，仲有接觸體壇巨星感受，如高比拜仁畀人感覺好自大同不可一世，其實佢對記者好親切。」

採訪：皓騫、王梓嫚
from:http://hk.apple.nextmedia ... 170715/20089935

TOP

4^# 大中小 young 發表於 2017-7-16 16:48 發短消息

麥明詩撐林作敢言

麥明詩指與媽咪對話時，愛用emoji公仔表達感受。

麥明詩昨日在銅鑼灣出席有份聲演的電影《Emoji大冒險》宣傳活動，她表示常用emoji公仔表達感受，尤其與媽咪對話時，或者敷衍對方時也會用得上。問到與舊愛林作是否也會用公仔符號溝通？她說：「有啲人係可以唔使覆，我哋都有默契，有溝通模式。」

麥明詩和林作雖協議好盡量少談及對方，但她仍力撐對方發表的DSE言論，她指林作的言論某程度有真實性，但真實就是殘忍，未必人人愛聽，她自覺林作敢言：「我要考慮番自己身份形象，仲要搵食，會選擇表達到自己意見，而唔想令太多人唔舒服，要搵個平衡，想真實直接，又婉轉好聽。」

採訪：卓寶花
攝影：陳慧安
from:http://hk.apple.nextmedia ... 170716/20090992

TOP

5^# 大中小 young 發表於 2017-7-19 19:24 發短消息

林作反串失守露點

林作為ViuTV錄節目，戴上長假髮的他不經意露點。

林作近日為ViuTV主持《晚吹》系列節目《KO KOL》，日前他笠假髮及露點扮女人錄影，浮誇舉動似足當年王祖藍扮handelababy，場面爆笑。

其實林作曾被拍得剝衫露點兼露腩的照片，皆因他踢完波一身汗。熱愛足球的林作，前晚在Instagram貼了一張腳踭受傷相，他留言說：「出血事小，入波事大啊！」然後再hashtag：「新球季第一場即入波兼贏波」、「本來打算放棄點知堅持下去即入波」。相片見到他的腳踭有血由襪滲出來，看來傷得不輕，林作接受本報訪問時則說：「我行到路，不過有得入波，受少少傷冇問題喎！」

採訪：王梓嫚
from:http://hk.apple.nextmedia ... 170718/20092679

TOP

6^# 大中小 young 發表於 2017-7-27 19:54 發短消息

林作感激摯愛麥明詩唔敢認

林作前晚指新書提及他的一生摯愛，麥明詩（小圖）昨表示不敢對號入座。

林作、洗米嫂陳慧玲、林子祥及譚芷昀前晚在灣仔君悅出席仁愛堂40周年慈善晚宴，林作雖跟麥明詩分手，但兩人話題卻離不開對方，他透露新書提及其一生摯愛：「佢唔係我媽咪，我唔會公開佢個名。」問這神秘人可姓麥？林作說：「我唔會開任何人姓名，希望他日可以拉埋天窗，純粹感激佢照顧同幫助。」林作強調對方會知情。

洗米嫂（左）以仁愛堂副主席身份出席晚宴。

麥明詩昨現身書展，講到林作有個一生摯愛，她謂不敢對號入座：「我覺得佢講婆婆。」她表示看過林作出書前初稿：「佢追女仔經歷，我冇特別睇佢啲case，費事諗係邊個，可能係大家英國讀書識嘅朋友。」

採訪：黃曉妍、張俊銘
攝影：仇志德、沈健程
from:http://hk.apple.nextmedia ... 170721/20096364

TOP

7^# 大中小 young 發表於 2017-7-27 20:04 發短消息

林作衝去媾張鈞甯

林作自言曾發夢見過張鈞甯（小圖）。

林作昨日再度現身書展，為講座擔任嘉賓，見他髮型略有轉變，他笑言：「終於有人肯贊助我剪髮，間舖仲喺中環，真係好感動，傳媒嘅影響力真係可以幫到我呢啲小人物解決生活上困難。」

林作透露有經理人公司想簽他做藝人，問到會否考慮拍床戲，他即笑言：「一定要啦！對手越靚越好。」問有否圈中女神？他表示：「出名嗰啲我又配唔起，台灣就有，張鈞甯囉！有時我發夢都見到佢㗎，同佢握吓手。」提到張鈞甯主演的《閨蜜2》即將上映，他說：「我一定去呀，點都要衝落去認識對方。」問他想不想與麥明詩有床上戲？他說：「我依然堅決唔回應佢嘅問題。」

採訪：黃曉妍
攝影：陳慧安
from:http://hk.apple.nextmedia ... 170723/20098492

TOP