Ports1961
白色背心，白色褲
Y's
條子背心(I.T)
人生並不單單只是一場戲，因為每個人也可能擁有多過一個角色。現年43歲的蒙嘉慧（Yoyo）由拍電影到拍劇，一直演盡無數角色，直到三年前榮升鄭太，她人生又出現多了一個角色，成為鄭伊健人生中的女主角。與伊健一起差不多十個年頭，近年更罕有地曬恩愛，「其實我覺得冇乜夫唔夫妻相處之道，兩個人相處嘅目的只係希望對方開心，人大咗就會開始明白。」
統籌：林妙萍
造型、撰文：陳蔚渝
攝影：周樂恆
攝錄：陳志嵐、林德雄
化妝：Angel Wong
髮型：Harry Lau
現在屬於自由身的Yoyo，可以選擇最適合自己的劇本和角色去演，非常享受現階段，「我𠵱家幾enjoy得閒做嚇嘢，跟住可以學嚇嘢，做嚇自己嘢，我覺得呢個模式幾好。」
相處最緊要開心
雖然Yoyo與伊健各有各忙，有時候一星期有數天分隔兩地，不過對他們感情零影響，Yoyo更笑言：「如果我唔係咁忙，第日佢喺第二度拍戲，我都可以飛過去探佢，如果嗰個地方好玩嘅話。其實又唔可以叫老夫老妻，但好natural，亦唔會諗幾日冇見要見多啲，當然如果佢返嚟可能會做多少少嘢，可能以前唔會日日煮早餐，咁佢返嚟我會煮番密啲。」
伊健之前接受《add》訪問時，曾講過越簡單的事越容易記得，很多事情都是自自然然，身為另一半的Yoyo亦同樣愛簡單，認為兩人相處的目的，只是單純的希望對方開心，「我哋一定會有面對困難同逆境嘅情況，但我哋要本住嘅心情唔係要對方幫自己解決問題，係希望可以分享難處，但最後責任都喺自己度，唔好諗住有隔籬嗰個就可以倚賴，調番轉如果出發點係想對方開心，對方亦都咁做嘅話，我覺得呢個相處之道永遠都啱。」
Yoyo近年罕有地在微博曬恩愛。
演員世界無休止
由拍廣告入行，投身大銀幕，再到逢拍劇都是女主角，Yoyo雖然入行已經超過20年，不過這一刻對演戲的熱愛仍然不減，「其實我係唔會放棄，因為我始終好enjoy做演員呢個過程，但都要depend on有啱嘅劇本，所有嘢都要夾到。就算第日搵我做阿媽我都會好想，可能一來自己係拍戲出身，我始終覺得演員嘅世界冇停嘅時候，胡楓可以80幾歲都拍緊嘢，點解我哋有資格同有需要去停？但真係需要天時地利人和，呢樣嘢唔到我哋控制。」
隨著年紀、經驗與閱歷的增長，Yoyo坦言對角色的渴求也有改變，「𠵱家冇以前嗰種想設定自己做乜，反而係就算𠵱家畀我做番同一個角色，拍番以前嘅劇，都可能成個感覺會唔同，一來人大咗，閱歷會有唔同，又或者睇番以前嘅演繹方式，你又會想試另一個。」
Sea New York
流蘇背心
(Rue Madame)
IRO
灰色褲
(I.T)
Giorgio Armani
條子上衣
Yoyo早前再去日本滑雪，證明自己企番起身。
自己跌低再起身
眾所周知Yoyo愛做運動，與伊健最初也是因為羽毛球結緣，不過她近年變得比較錫身，「運動對我嚟講係娛樂，但相對以前一得閒就衝去打羽毛球，我係錫身過以前，因為以前會整親。呢兩年做少咗運動係因為之前去日本滑雪整親韌帶撕裂，跛咗成大半年，𠵱家先開始好番，高踭鞋都成兩年冇著過，對於一啲戶外運動我會諗清楚先做。」不過原來Yoyo也屬於好勝派，本著不服氣的性格，早前已經再去滑雪向自己證明，「我覺得我喺邊到跌低，就要喺邊到起身。」
Yoyo有時也會上載做運動的照片。
【好食開心Share】
早前曾被拍到明顯心廣體胖，立即努力keep弗的Yoyo，在微博上載得最多的一定是食物相，「其實我𠵱家比以前對食嘢係更加鍾意咗，可能以前拍緊劇冇咁多時間諗想食乜，儘量食飽去開工，但𠵱家有時間，所以對食物要求會高啲，有時會諗嚇今日想食乜菜，乜都想試，另外對食材呢樣嘢，可能去搵食物，其實係家庭主婦要做嘅嘢，邊檔麵包好食啲，邊度抵啲，又或者逢星期幾嚟嘅食物會新鮮啲。我嘅性格係如果覺得好食，好想同大家share，所以多咗廿磅返嚟。」
from:
http://hk.apple.nextmedia ... 160825/19748575
