鄭伊健前晚在廣州體育館舉行「Light& Shadow演唱會」巡唱廣州站，首次在廣州開騷的伊健坦言，廣州對他有特別意義，因他小時候每年都回鄉探親，也會在廣州親戚家住一晚，而師父羅文亦是在廣州出身，之後再到香港發展。
今次伊健老婆蒙嘉慧（YoYo）未有現身捧場，兩位嘉賓錢嘉樂及林曉峰即唱雙簧，林曉峰笑說：「唔帶阿嫂，喺廣州可以玩到第二朝早！」嘉樂亦不放過伊健謂：「唔帶老婆，冇人𠵱𠵱哦哦！」搞到伊健哭笑不得。此外，伊健亦在騷上狂晒六嚿腹肌，令全場升溫。演唱會亦播出楊千嬅打氣的錄影片段，片中她鼓勵伊健生仔做老竇。
（左起）林曉峰、伊健及錢嘉樂同台，掀起全晚高潮。蒙嘉慧未有隨伊健開騷，預咗被玩。
from:
http://hk.apple.nextmedia.com/entertainment/art/20130610/18291219
