香港電台為不想在死傷者傷口灑鹽，昨宣佈決定停播劇集《有倉出租》。資料圖片
九龍灣時昌迷你倉四級火導致兩消防員殉職及十多位消防員受傷慘劇，令全港市民痛心疾首。為了不想在此敏感時間在死傷者家屬傷口灑鹽，觸動市民傷痛，香港電台昨日宣佈抽起逢週日晚於港台31及無線播映、以迷你倉為故事背景的處境喜劇《有倉出租》，港台昨表示：「牛頭角迷你倉大火事件全城關心。為照顧市民感受，原定於星期日播放的處境劇《有倉出租》將會由本星期起暫停，改播雷頌德主持的新節目《好好過生活》。」港台昨表示將來會再度播放，但暫未有確實日期。
《有倉出租》一共有12集，由蒙嘉慧、鄭敬基、艾威、河國榮和袁嘉敏等主演，並於本月5日首播。飾演迷你倉老闆的蒙嘉慧對港台決定表示贊成：「呢個決定好明智，因為大家都唔想再喺傷口上灑鹽，同埋作為演員，拍時心情都好沉重、有壓力。呢次火災希望盡快滅火，大家可以平平安安返屋企。」
兩名消防員撲救迷你倉四級火期間先後殉職，全港市民深感難過。
資料圖片
蒙嘉慧（右）對港台抽起劇集大表贊同。劇照
鄭敬基：決定好啱
原來明日播出一集由河國榮和袁嘉敏飾演夫妻，對港台抽起劇集，河國榮坦言感到愕然但亦體諒，他說：「覺得又唔開心又可惜，當然都明白九龍灣嗰邊都係非常大件事，喺呢個時候繼續講迷你倉嘅嘢，又唔係幾為人著想。」袁嘉敏昨回應說：「呢刻知道有啲唔開心，因為兩年冇拍劇，自己好期待，我都好畀心機演，都幾辛苦，但我都要尊重番製作單位嘅意願。」
至於艾威和鄭敬基表示支持港台決定，艾威說：「我哋嗰套係喜劇，發生咗啲意外，大家心情都唔係好過，所以幕後人員決定暫停播映，製作會如常進行。」鄭敬基則說：「監製有咁決定係好有心，大家都覺得好啱。」
採訪：魯吉、嵐山
from:
http://hk.apple.nextmedia ... 160625/19668704
