鄭敬基於香港時間前日在多倫多飲新抱茶，榮升老爺的他興奮地攬實兒子（右圖）。互聯網圖片
現年54歲的鄭敬基去年5月再婚，迎娶年輕19歲的教友Angie，雖然當日婚宴上鄭敬基自爆年紀大過外母，但幸好天生童顏，與嫩妻依然合襯。去年婚宴上，鄭敬基已自爆與前妻所生的長子鄭家揚會於今年8月20日娶老婆，自己將榮升老爺，可謂雙喜臨門。
一對新人在婚宴上手拖手分享喜悅，獲眾人祝賀。
送登台歌酬
26歲的家揚於香港時間前日在多倫多跟任職音樂治療師的女友Candice結婚，比爹哋鄭敬基當年27歲結婚還要早。鄭敬基與太太Angie一起飛到當地飲新抱茶，由於日前鄭敬基到美國紐約登台做騷，所以決定將全數六位數字歌酬送給兒子當結婚禮物。
一對新人於當日早上進行斟茶儀式，除鄭敬基與太太Angie外，前妻與現任丈夫及新娘父母都有在場。不過，鄭敬基就有別傳統，不用兒子與新抱跪地斟茶。儀式後，一對新人於教堂行禮，至香港時間昨日凌晨，家揚與太太再於一間西餐廳舉行婚宴款待親友及教友。
「係我嘅福氣」
榮升老爺的鄭敬基，昨日接受本報訪問時，指自己飲新抱茶的心情難以形容：「阿仔斟茶嗰一刻，中間真係會諗起好多佢嘅成長片段，本身有好多嘢想同佢講，例如將來佢點待人處事啦，點樣對太太啦，不過其實係唔使講，因為當中已經充滿住祝福，充滿主嘅平安，所以覺得呢一份係超乎想像嘅禮物，今日終於收到。以前喺多倫多生活，睇住阿仔成長，結果佢係一個好正義，好有分寸嘅男孩子，識到一位好好嘅太太，係佢嘅福氣，亦係我嘅福氣。」
採訪：王梓嫚
26歲兒子家揚於婚宴上影大合照，鄭敬基（左）笑得份外開心。
家揚與太太Candice點蠟燭進行儀式。
from:
http://hk.apple.nextmedia ... 170822/20128550
