薛家燕嫌講射精核突

1^# 大中小 young 發表於 2016-6-30 22:45 發短消息

相關主題: 薛家燕

薛家燕（右）和岑潔儀（Zoey）昨日在鑽石山出席親子攤位活動，近日無線節目以「贏在射精前」宣傳，家燕姐說﹕「要講射精就核突咗，嗰個係一個兩情相悅嘅時間，係冇得計，咁樣係超越咗人性。不過，又好似形容得好貼切。」

而Zoey的囝囝剛於1月出世，她笑言原來有優勢，她說：「個人唔反對啲虎媽媽計劃好一切，但我只係希望小朋友健康快樂成長就好。」
from:http://hk.apple.nextmedia ... 160625/19668705

廷伸閱讀/相關主題推介:

相關主題:薛家燕

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 17:42 發短消息

薛家燕日收三封情信

薛家燕（右二）噚日喺尖沙嘴為樂施會「寫字扶貧」活動擔任頒獎嘉賓，家燕姐話自小已經寫書法，仲會叫埋仔女練字，覺得練字對個人修養好重要：「不過𠵱家科技太發達，成日WhatsApp，所以生日、母親節收到佢哋親手寫嘅卡，好窩心，以前嗰啲都唔捨得丟，係無價之寶。」家燕姐仲話讀書嗰陣一日收三封情信，佢又笑言會叫囝囝寫情信追女仔：「幾個字都好，好窩心、好sweet，電腦打冇感情呀。」

撰文：馮仁昭
from:http://hk.apple.nextmedia ... 160704/19680248

TOP

3^# 大中小 young 發表於 2016-9-14 04:44 發短消息

家燕姐被批俾兩男追

薛家燕邀請李居明加入新城電台合作做節目《家燕大師行運騷》，由今個月開始為期一年，昨日兩人在新光戲院拍攝宣傳照。

李居明批家燕姐2019年會有兩大追求者出現，家燕姐笑言：「我冇諗，𠵱家快樂人生，好豐富多采多姿。」李居明又指家燕姐抱孫同時會有真命天子出現，家燕姐表示長女石祐珊未拍拖，要帶女兒見師傅指點迷津。

採訪、攝影：卓寶花
from:http://hk.apple.nextmedia ... 160903/19758150

TOP

4^# 大中小 young 發表於 2016-9-15 00:03 發短消息

家燕姐三年內兩團圓

薛家燕、范振鋒同吳剛等噚日喺九龍城出席慈善探訪活動，席間吳剛贊助送出100盒月餅畀現場長者。家燕姐表示向來都好重視中秋節，今年係咪人月兩團圓？佢話：「李居明話我2019年先有，咁我唔等。」仔女有冇催促快啲搵番個伴？家燕姐笑住話：「前幾年都有催我，但𠵱家我會反問佢哋『咁你哋呢？』，之後大家就唔再提。」

撰文：馮仁昭
from:http://hk.apple.nextmedia ... 160913/19768933

TOP

5^# 大中小 young 發表於 2016-10-23 21:53 發短消息

薛家燕自薦幫陳寶珠驗胸

薛家燕昨日拉隊呼籲關注乳癌，要定期檢查。

陳寶珠、薛家燕、廖碧兒及琦琦，昨日在山頂為「乳健同行2016」步行籌款擔任大使。強調每月定期自我檢查乳房的寶珠姐說：「早啲知道並接受治療就有機會復原，我每個月都會自我檢查，每年接受一次檢查。」家燕姐笑謂如果寶珠姐忘記，可以代勞為她做乳房檢查。家燕姐指乳癌屬婦女頭號殺手，不容忽視：「要定期自摸，睇吓有冇異狀物體，唔好食過量激素，大閘蟹我都係食一隻。」

廖碧兒正計劃花七位數字歐元再收購酒莊，她說：「預算近千萬，𠵱家睇緊，有好消息會宣佈，裝修成本都大，要儲耐啲錢。」

採訪：張俊銘
攝影：陳順禎
from:http://hk.apple.nextmedia ... 161011/19796753

TOP

6^# 大中小 young 發表於 2016-12-10 18:22 發短消息

薛家燕買磚頭賺千萬

薛家燕、胡孟青同可嵐等噚日喺觀塘出席智能工作空間示範單位記招，原來家燕姐好鍾意買磚頭保值，喺7年前用300萬買咗個2千呎單位做教育中心，𠵱家值千幾萬。

有3個工廈單位嘅家燕姐，大把銀彈繼續投資，至於住宅單位，家燕姐笑話：「唔好數啦，買磚頭可以儲錢、保值，就算當年金融風暴，我都冇損手，喺國內都有朋友叫我買。」

撰文：馮仁昭
from:http://hk.apple.nextmedia ... 161123/19842368

TOP

7^# 大中小 young 發表於 2017-2-5 01:05 發短消息

薛家燕藝術中心擴充

薛家燕（左二）昨透露今年預計開多三間藝術中心。

薛家燕、鄭俊弘和菊梓橋（Hana）等昨日在黃埔出席新城團拜，家燕姐新年獲內地朋友招待，與子女放煙花甚開心。新一年她所創辦的家燕媽媽藝術中心會有很多計劃，她說：「之前有十幾個內地大企業傾加盟藝術中心，相信2017年內地發展應該好好。」現時藝術中心約有十間分店，今年預計再開三間。

另外，Hana新年與老闆到泰國旅行，剛加盟新唱片公司的她與鄭俊弘同公司，二人希望在音樂上合作，她亦想有桃花運：「有幾年冇拍拖，想物色男友可廝守一輩子。」問公司可會批准拍拖？她說：「又唔係細路，會識分寸。」

採訪：王連連
攝影：陳慧安
from:http://hk.apple.nextmedia ... 170204/19917115

TOP