薛家燕早前與鍾嘉欣、曾志偉、黎耀祥等到新加坡登台，家燕與嘉欣抽空暢遊環球影城之際，巧遇台灣失明歌手蕭煌奇，家燕稱蕭煌奇「視力」非常厲害：「當時嘉欣同佢say咗聲Hello，佢就對嘉欣話：『你長得好高呀！』，我不知幾驚，心諗你千祈唔好話我矮呀！好在佢都冇。我起初奇怪佢係失明，入到影城睇唔到會唔會好可惜？但佢話想用呼吸去感受現場氣氛，之前已經好欣賞佢歌藝，依家更佩服佢。」
薛家燕早前與鍾嘉欣、曾志偉、黎耀祥等到新加坡登台。
家燕又指與嘉欣玩到忘形：「我哋去睇變形金剛立體電影，啲視覺效果好逼真，我哋兩個驚叫咗4分鐘。我好多年前已經想同嘉欣登台，嗰時佢都未做歌手，但拍劇空檔我聽到佢啍歌，我話：『唱得咁好，應該做歌手，第時要搵你登台添』但一直冇機會，今次終於成事！另一個驚喜係曾志偉，本來叫佢做主持，原來佢唱《你把我灌醉》好犀利，嗌到爆咪，全場掌聲，我叫佢參加下輯《我是歌手》。」
家燕姐與嘉欣暢遊環球影城時，巧遇台灣歌手蕭煌奇（中）。
from:
http://orientaldaily.on.c ... /00282_039.html
