鍾嘉欣嫌悶帶B女返港

鍾嘉欣今年2月與脊醫Jeremy在加拿大擺酒，8月誕下囡囡Kelly，早前她透露下月會返港出席活動，12月會拍廣告及拍劇。昨日有週刊報導，指鍾嘉欣因嫌加拿大的生活悶，有意帶囡囡返香港，又傳她會加入拍攝《溏心風暴3》，換言之鍾嘉欣婚後不足一年，便會與老公分隔兩地。

報導指雖然Jeremy好錫鍾嘉欣，但因工作時間長，所以想帶囡囡返港照顧，還指Jeremy本來不同意，二人曾為此事多次鬧交，鍾嘉欣已答應丈夫會兩地飛，多點返加國陪他。

撰文：李察
from:http://hk.apple.nextmedia ... 161028/19814162

鍾嘉欣見到熟識的傳媒邊行邊傾，提醒大家要小心之餘，又問：「你哋前一晚冇瞓呀？」非常有心。

鍾嘉欣成為人妻兼人母之後，昨日終於返到香港喇！昨晨約6時，嘉欣由溫哥華飛抵香港，半百傳媒一早在機場等候，見到多張熟悉的面孔，嘉欣即合十，第一句便說：「咁耐冇見大家！好掛住大家！」

嘉欣一個人推住一大一小行李篋，戴住黑超、身穿深藍色長褸現身，雖然完全遮蓋着身材，但她明顯已收身不少，面尖尖跟以前一樣。笑容滿臉的嘉欣企定定讓傳媒影相，又應要求展示婚戒，她透露有為囡囡Kelly餵人奶，她說：「辛苦得嚟好有滿足感，所以都唔係好辛苦。」問囡囡樣貌像誰？她說：「兩個（爸爸媽媽）都似。」再問湊BB有甚麼蝦碌事發生？嘉欣笑言：「暫時都冇嘅！小朋友兩個都黐。」

嘉欣展示婚戒，幸福滿瀉。

一個人推住一大一小行李篋，滿臉笑容。

現在餵人奶的嘉欣，自覺囡囡Kelly似爸爸（小圖）又似自己。資料圖片
返家搞清潔

今次嘉欣返港不是為拍劇，而是出席今晚於中環舉行的Emporio Armani Remix別注系列開售活動宣傳，亦是她產後首個公開活動。嘉欣透露此行脊醫老公Jeremy和BB都沒有隨行，問會否帶BB來港？她說：「會有機會嘅，將來有機會。𠵱家返嚟就休息吓先，安定吓，有時間就搵吓啲姊妹。」據悉嘉欣出席完活動後，隨即會飛返加國湊女。問現在有否掛住囡囡？她笑言要留待活動上再傾。問現在是否已收身？她說：「回復番少少，但都爭少少，冇努力收身呀，哈哈，我唔想俾人打，但自己湊會快啲收身。」

之後嘉欣由經理人等人陪同返回位於將軍澳寓所，落車後，她鬼馬地說：「因為太耐冇返嚟喇！要返嚟睇吓間屋，搞吓清潔，暫時都唔會出去㗎喇。」她還一邊講一邊做出清洗動作，又不斷向現場傳媒揮手講再見。

採訪：羅慧敏
攝影：陳順禎、黃曉程
from:http://hk.apple.nextmedia ... 161103/19820525

昨晚現身中環的嘉欣產後忙於餵人奶和湊囡囡（小圖），火速收身。

鍾嘉欣去年底跟無綫集團前主席梁乃鵬的脊醫姪仔Jeremy秘婚，今年宣佈有孕兼生囡囡，她產後一直留在溫哥華湊女。不過嘉欣BB獨自由溫哥華返港，出席Emporio Armani Remix昨晚在中環舉行的活動，同場還有周柏豪、蔡卓妍（阿Sa）和薛凱琪（Fiona）等。

產後首次現身公開活動的嘉欣BB，昨晚7時許由將軍澳寓所出發，穿上黑白連身短裙的她大騷雪白長腿，現身時更推着大篋，她活動後直接到機場返加國湊女。近半百粉絲「餓」嘉欣BB已久守候場外，連同半百傳媒採訪，擠得水洩不通。

整裝待發穿的嘉欣，由將軍澳出發到中環出席活動。DV圖片

嘉欣升呢人妻人母後首度出席活動，當然成為全晚焦點。

老公請3日假湊女

嘉欣BB這次出席活動，酬勞約6位數，停工差不多一年的她說：「再工作有少少唔慣，掛住個女，我餵緊人奶，返嚟都泵定20幾支人
嘉欣BB大爆來港航程掛念囡囡大喊，結婚時揚言生四胎，她說：「講吓啫順其自然。」她打算給囡囡改溫柔的中文名，記者提議叫「梁在心」，她說：「唔好，好怪，我要廣納意見。」嘉欣BB產後餵奶和做家務火速收身，這次回來太倉卒，無暇見姊妹們。

此外，阿Sa表示要親自恭喜嘉欣BB及想看她囡囡相，問到阿Sa羨慕嗎？她說：「每個人有唔同階段，我未到，好難plan。」

阿Sa表示再嫁時，不會再瞞婚。

薛凱琪剛由倫敦放假返港，叉電後狀態大勇。

阿Sa：我改邪歸正

再遇合適對象會閃婚或是秘婚，阿Sa搞笑說：「我改邪歸正，上次婚姻幾浪漫，嗰下覺對方好好，好想同佢一齊過生活。」阿Sa和鍾欣潼都單身，阿Sa說：「我一啲都唔愁，人生唔係只得愛情，最緊要有財富，要再多啲，仲有家人。」Fiona講到吳雨霏小產時說：「我會WhatsApp佢，為佢祈禱，希望佢心寧得平靜同安慰。」

採訪：馬建華
攝影：陳順禎
from:http://hk.apple.nextmedia ... 161104/19821749