藝人薛家燕早前豪擲七位數，大搞由小朋友演出的微電影及大匯演。她更親自監製改編真實故事的《信望愛》，主人翁熊子逸也親身上陣，重演捐骨髓給4歲細佬熊子豐的過程，劇情令人為之動容，子逸更獲頒「最佳女小演員獎」。
薛家燕邀得子逸親身演繹捐骨髓救弟的感人故事，而小演員則演其弟。
薛家燕投資的「家燕媽媽藝術中心」日前假柴灣青年綜藝館舉行《威露士呈獻：家燕媽媽微電影首映大匯演》，邀得好友黎小田及張同祖等擔任評判，並招待200多位來自中、港、新加坡三地的學生來交流。當中由家燕姐監製的微電影《信望愛》，故事內容則是改編自其學生熊子逸的真實故事，講述其4歲細佬熊子豐患白血病，母親為他四處尋覓適合的骨髓，可惜連子豐哥哥的骨髓都用不着，結果發現9歲的子逸卻很脗合，作為家姐的她亦勇敢地捐骨髓給子豐。
奪最佳電影獎
子逸於片中親身上陣做自己，她表示拍片並不辛苦，相反覺得很好玩，並謂：「捐骨髓前12小時唔食得嘢，又唔飲得水，不過一啲都唔辛苦，因為之前食咗pizza填飽個肚。（捐骨髓時想退縮？）唔會，雖然有啲緊張，但過程都唔痛、唔驚，因為我好想幫到細佬，覺得可以救到佢、令佢好番，我好開心，瞓醒後第一時間都想見細佬。」
薛家燕獲好友黎小田（右三）任評判。
薛家燕豪擲百多萬拍微電影，以小朋友擔任演員。
大匯演當日，大會更頒贈「最有愛心信念大獎」、「最佳女小演員獎」給子逸以表讚揚，她說：「好開心，多謝家燕媽媽畀個咁好嘅平台，讓我哋可以到處演出。」而《信》片亦奪得「最佳電影」獎。
感動到眼濕濕
家燕姐也大讚子逸好勇敢，她說：「都幾驚因為會有危險又痛，但家姐得9歲，佢竟然同媽咪講，『我一定要救細佬，佢需要我幫手。』，之後細佬做化療甩頭髮，家人都幾擔心，點知接受骨髓後，細佬血型改變咗、康復咗。套戲個個睇到眼濕濕，我自己都幾難過，但子逸做得好好。」
今次家燕姐豪擲逾百多萬元，於個半月內完成六部微電影，她直言細路哥最難拍，而電影中均由小朋友演出，她說：「希望帶動大家關注小朋友，因為冇人拍小朋友嘅戲，係要有愛心同耐性去拍。人哋問我點解咁忙重投資咁大，能夠帶出感人一面，見到佢哋演出有成長，我已經好開心。」家燕姐又希望學生們可以親身體驗拍電影，並透過角色去珍惜面對困難時，家庭、兄弟姊妹、父母給予的愛。
from:
http://orientaldaily.on.c ... /00282_032.html
