港姐冠軍麥明詩（Louisa）與男友林作同樣高學歷，又有家底，門當戶對，據知，他們拍拖兩年多，林母對這位未來新抱仔印象一直不錯，認為女方有學識有教養，最重要是對老人家很體貼和有禮貌，雖然女方現簽約入娛圈成為藝人，但林母不時明示要兒子箍實女方，更試過在二人面前催婚，認為女仔最終都要嫁人，有仔更要趁嫩生，但由於林作和Louisa現正為事業搏殺，因此只當母親說話耳邊風。
林作與家人現居於麥當勞道傳統豪宅嘉年大廈一個1,700呎單位，林母於兩個月前見樓市有下滑趨勢，得悉同屋苑同座數有罕見複式單位放盤，與業主再三議價後，上星期終撲鎚，豪擲6,500萬，購入同座一個3,400呎複式單位。據知，林母購入同座數複式單位，目的是留給兒子將來娶老婆用，住樓上樓下，方便一家人互相照顧。
林母日前豪擲6,500萬購入的傳統豪宅，同類單位的客廳甚為闊落。
做生意的林母（中）喜買磚頭投資，日前兩母子和好友麥玲玲食飯。
昨日記者致電林作，對於媽咪買大屋打算娶新抱，他在電話中「哈哈」兩聲說：「我唔知佢（林母）買嚟做乜喎，佢有佢嘅打算，可能見近排樓市跌咗，所以決定入市，有可能用嚟投資啩！」
麥明詩早前簽約正式踏入娛圈，但已遭男友媽咪催婚。
林作和麥明詩早前到中環AIA嘉年華時，相擁看手機，態度親暱。
滿意裝修
雖然林作表明層樓屬於母親，但買樓前亦試過陪她看過該樓盤，認為上手業主的裝修很合心意，毋須再有很大改動。問他是否和女友Louisa好事近？他笑言：「唔會啦，大家事業先啱啱開始。」對於媽咪買樓催婚，林作表示無傳宗接代壓力，相信母親是新潮人，亦沒有這個意思，但他就承認媽咪十分疼錫女友：「媽咪成日叫我生性，要珍惜Louisa，話佢係好女仔，睇得出媽咪好錫佢，對佢印象好好。」
採訪：王梓嫚
from:
http://hk.apple.nextmedia ... 160514/19610908
