《G-1》鄧穎芝打得好細力

鄧穎芝表示與黎美言並不熟絡，不會相約食飯。

鄧穎芝（Van仔）、連詩雅及鍾浠文等，前晚在圓方出席「嘉力電子音樂盛會」活動，Van仔最近因參與ViuTV格鬥真人騷節目《G-1格鬥會》與黎美言（Winkie）傳不和，問到Van仔是否仇視Winkie？她笑說：「咁你都睇得出？其實我好細力，佢一啲傷都冇。本身同佢唔熟，見面會打招呼，但唔會約去街食飯。」

對於被Winkie指小家，她說：「小唔小家每個人嘅standard都唔同。第一集之後有人問『佢攬曬你點解你話同佢唔熟？』其實道理好簡單，你入去一間餐廳有七塊牛扒，其中一塊得兩成熟，都係唔熟㗎。」此外，連詩雅自爆最近失聲，要服類固醇醫治。

採訪：黃曉妍
攝影：陳俊強
from:http://hk.apple.nextmedia ... 160425/19584777

【騎實對手】

年屆74歲的鵬哥扮乜似乜，騷出小肚腩扮格鬥女。

殿堂級扮嘢大師盧海鵬最近又有新搞作，他與YouTuber薑檸樂（蕭慶峰）幫一間貸款公司拍攝廣告，大玩最近炒得火熱的ViuTV節目《G-1格鬥會》。74歲的盧海鵬認真老而彌堅，戴上金色假髮，穿上紅黑色女子格鬥衫露出小肚腩，睇頭十足。

鵬哥對住鏡頭狂揮拳，司儀介紹他：「體重唔清楚，身高唔肯定，係幾傳統嘅身形啦。」一開始，鵬哥便㩒住薑檸樂打，可惜一個滾地沙，鵬哥被對手狂打面，雖然有用替身，但鵬哥扮被打時七情上面，最後被薑檸樂一招較剪腳箝到要拍地投降。最終輸掉的鵬哥用利眼望實高舉勝利手勢的薑檸樂，似乎有點不順氣。昨日鵬哥在電話中透露起初以為是ViuTV的宣傳節目，但拍攝時沒有特別睇片，純粹靠經驗演出。問是否打得好辛苦？鵬哥說：「我個對手仲活躍啦，替（身）嗰啲，都有啲嘅。」問鵬哥平時有沒有做運動？他說：「冇，我唔係好大肚腩啫。」

【反被狂揼】

薑檸樂一個滾地沙，將鵬哥的替身反㩒在地下狂揪。

【箍頸就斷】

被箍頸的鵬哥七情上面，看似非常痛楚。

【拍地投降】

盧海鵬（右）近日與YouTuber薑檸樂反串扮《G-1》格鬥女對打拍廣告，鵬哥更被對手打到瞓地。

【條氣唔順】

勝出的薑檸樂高舉勝利手勢，在旁的鵬哥十分不順氣。

鄧穎芝（左）昨指對於鵬哥扮自己深感榮幸。

資料圖片
鄧穎芝：肚腩最似

鵬哥戴上金色one length假髮，造型上有點似鄧穎芝。鄧穎芝前晚亦有在facebook分享及留言：「緊張完輕鬆吓先！鵬哥你係咪扮緊我？睇個肚腩……都應該係喇。」鄧穎芝昨在電話中回應說：「好開心，有個前輩扮自己，從來冇試過。」鄧穎芝覺得非常神似：「肚腩最似啦，鵬哥算keep得好fit，係我自己唔fit箒。因為比賽時壓力太大食好多嘢，冇故意keep磅數，重啲有着數。」

問鵬哥新廣告最搞笑那一部份？她說：「介紹嗰part啦，乜都唔清楚。」有指ViuTV有意舉辦《G-1格鬥會》復活賽，鄧穎芝直言無意參與，她解釋：「唔會嘞，太辛苦，之前受傷太嚴重，我同Hazel（唐紫睿）識英雄重英雄，大家視大家為最強，冇需要再打。」會否想跟死敵黎美言（Winkie）對賽？她說：「都冇需要，大家睇得出我哋實力。」

採訪：嵐山
from:http://hk.apple.nextmedia ... 160509/19603415