林雅詩上年復出娛圈，同老公溫文英多次嘈交，又傳佢自殘，老公又被影到接人妻Grace收工街頭連環咀，偷食斷正，昨日有週刊指，林雅詩月前申請離婚，結束十年嘅婚姻，最近努力登台搵銀，不過，報導影到佢今個月11號，佢去咗醫院探溫文英，傳佢老公要做開腦手術，手術前都有叫林雅詩要帶個仔去探佢，怎料個仔逗留咗15分鐘就叫走。
據報導指，溫文英個腦生咗腫瘤，頭痛次數密咗好多，最終要入院做手術，切除腫瘤去化驗，當時溫文英見到囝囝，佢都有叫個仔要畀心機讀書，要聽話等，其後，週刊都有問過林雅詩，佢就話自己係溫文英入院前嗰日先知，都有覺得唔開心，因為做咗多年夫妻，唔想佢有事，承認溫文英做完手術，不過佢就唔知現時係咩情況。
林雅詩在報導中稱，自己只係盡責任帶個仔畀老公見，佢仲話自己已經處理好搞離婚嘅手續，不過佢老公嗰邊好似一啲都未處理，似乎暗示老公唔肯簽紙！
from:
http://hk.apple.nextmedia ... 160323/19540879
