擁36E「胸」器、人稱「崔Big瓜」的崔碧珈和曾淑雅（Jumbo），今次在電影《PG戀愛指引》中，分別與「港版半澤」陸駿光床上激戰！故事講述她們飾演一對情同姊妹的啤酒妹，同樣積極進取，專向有錢公子埋身，但她們竟然同時睇中陸駿光，分別色誘對方上床，可惜最後被這個有性暴力傾向的情場騙子，騙財又騙色。
葉念琛示範摸
這兩場超激床戰安排於同日先後攝影，當日監製葉念琛親自監場，他鼓勵Jumbo和崔碧珈開放自己，大膽加入更多個人意見，投射在戲中，出來的效果令大家看到血脈沸騰。崔碧珈日前接受本報訪問時說：「今次係我拍咁多部電影嘅最大尺度，需要半裸兼清場，自己冇特登set底線，對我嚟講係大膽新嘗試，幾好玩。」
陸駿光笑言要激戰崔碧珈，最緊張的反而是自己。
陸駿光按著崔碧珈的頭激咀。
同日拍攝加上同一對手，問崔碧珈有冇突圍方法？她說：「冇諗過點突圍，睇番劇本我同Jumbo拍床戲嘅反應同做嘅嘢係差唔多，反而係應該跟番劇情同導演要求去做，演戲唔係自己一個人主導，係要講協調同默契。」她還笑說：「我冇諗過係暴力同粗暴，當初以為係好浪漫好有前奏，點知一嚟就係好粗暴，呢個係陸駿光嘅癖好，但拍出來幾好睇，幾得意。我印象都係幾個take，每一個細節，避免重複同NG太多。監製示範一次啲叫聲同撫摸動作，我哋照辦煮碗去做，好好笑。」
Jumbo表示今次是最大尺度，拍戲前亦刻意節食，她說：「不過我睇番好似有反效果，塊面凹咗，好似唔夠營養咁，埋位梗係會做足安全措施，好彩之前同陸駿光有合作過，大家都有默契，為求逼真，都需要對方幫手令我冇咁易走光，我反而覺得呢場床戲只係一個點綴，最深刻係鬧交戲。」
Jumbo指與陸駿光有默契，對方會幫手令她免走光。
Jumbo這場半裸戲，需清場拍攝，她指是大膽新嘗試。
操fit身形上陣
至於艷福無邊的陸駿光，為了拍床戲特地在開拍前兩個月操練，雖然已為人夫，但太太對他百分百信任，他笑說：「佢成日覺得冇乜嘢，係我搞到好大件事，好似好敏感。拍嘅時候有啲尷尬，因為某程度上真係好激烈。我記得同崔碧珈嗰場，原本張梳化係擺一個位，拍完係移咗半張梳化位，所以佢哋係笑到儍咗！」問到有否難忘事，他尷尬地說：「埋位之前服裝畀咗對襪我，我問攞嚟做乜嘢？佢話畀對襪我攝喺入面，唔使我同女仔身體接觸有碰撞太尷尬，我仲以為拍底褲廣告先要扮犀利，原來拍呢啲床戲都要用。」
採訪：非非
from:
http://hk.apple.nextmedia.com/entertainment/art/20160222/19500330
