十優狀元麥明詩日前參加國際中華小姐選舉，可惜五強不入，佢都自言係「先天缺陷」，身高及外貌都唔夠其他佳麗鬥，而且遺憾冇機會表現才藝。
日前高登瓊姐於facebook留言「人稱『人生贏家』嘅10A港姐麥明詩，終於有嘢輸」，代表香港參加2016國際中華小姐選舉，居然五強不入，又指過往5年，香港代表都拎獎或者入三甲，「而贏開嘅麥明詩，今年就食白果」，佢認為唔緊要嘅，輸嚇都好，人生嘅嘢，嚇嚇贏曬就悶。
話曬麥明詩係「十優狀元」、兼劍劍劍劍橋法律系畢業，上年選港姐係以大熱姿態，連奪最上鏡小姐同冠軍，出身又被認定係「人生勝利組」，未知係唔係咁，令外界對麥明詩嘅期望會高啲！
麥明詩前晚喺Instagram貼出參選華姐嘅相，留言先感謝爹哋媽咪支持，以及多謝13位佳麗，再次恭喜朱亞琳(Jennifer)、陳舒菲(Mary)及欒添(Tiana)，讚對方「you guys did an awesome job」，佢亦喺文中稱，自己有自信係因為知道自己嘅定位，而唔係覺得自己咩都係最好。
佢亦提及自己試過「報大學時被多間拒絕過；報工時至少有30間公司拒絕過；考琴試從未拿過merit/distinction；唱歌朗誦寫作比賽無數次沒名次」，佢又留言中稱：「但這些都不算輸－我沒有實質損失任何東西。所以當看到有人說『麥明詩終於輸了』時，我不會有這種mentality。而我也覺得一些人認為我是人生勝利組的看法未免太膚淺。我只是在一些最重要的時刻很幸運，恰巧有好的結果。」
麥明詩覺得選美係娛樂性質，似歌唱比賽，認為大家唔需要太嚴肅，希望大家可以輕鬆啲，「香港現在缺乏。我拿捏不好，不好意思。」佢都希望下次再喺鏡頭面前出現，繼續努力表現真我!
from:
http://hk.apple.nextmedia ... 160126/19467286
