現年34歲的梁政玨今年1月在港註冊結婚，下嫁生意人何思源（John），7月宣佈陀得男嬰，預產期在下月初，不過首次懷孕的她一波三折，不但胎盤前置及過低，還有子宮後屈問題，之前曾入院安胎的她，原來上月30日突然作動，即日剖腹誕下4.2磅得意B仔Johnson。梁政玨昨日接受《蘋果》訪問時表示：「見到囝囝我即刻喊，點知醫生唔準！」
梁政玨預產期本來於下月初，由於她曾經兩度出血，又試過在銅鑼灣突然作動要由救護車送入醫院，最終她聽醫生建議入院待產。上月27日中秋節當天，她在Instagram開心留言，表示住院一個月終於可以外出散心，還吃了雲吞麵，而原來三天後她已誕子。
梁政玨跟囝囝瞇著眼睛時，樣子一模一樣。
梁政玨笑指囝囝鼻似老公，下巴就似足她。
Johnson出生時只有35周，重4.2磅。
要三個醫生協力
昨日梁政玨接受本報訪問時說：「其實我本來預咗10月中開刀生，仲揀埋時辰，我喺中秋節之後嗰日就轉咗醫院，主要因為醫生話BB情況穩定，唔需要用ICU設備，可以轉番去私家醫院生，而且我要幫囝囝留臍帶血，又擇咗時辰開刀，當時醫院喺呢方面配合唔到，但估唔到轉咗院兩日就作動，計劃係亂咗少少，好彩我一早叫咗陪月早啲到，有人可以幫到我。」
回想當日突然「生得」，梁政玨形容情況十分危急：「因為我同其他孕婦唔同，要三個醫生一齊『招呼』我。」她又說，雖然之前試過作動，但當日感覺特別強烈：「我完全感受到阿仔今次真係要嚟喇，我好快就俾人推咗入手術室，因為係半身麻醉，所以等BB出世嗰時好緊張，老公一直捉住我隻手，直到護士抱個仔畀我，我開心到喊，但醫生即刻阻止，因為我一喊就會身體抽搐，啲血會係咁流曬入腸，我惟有忍住唔敢喊。」
囝囝出生後要瞓氧氣箱，梁政玨隔著箱子才能親吻他。
瞓箱八日才親親
梁政玨表示兒子英文名叫Johnson，母子已回家休息，她謂會以母乳餵哺囝囝，因為要給予囝囝最好、最健康的，她透露：「當日老公全程喺手術室陪住我，但唔可以剪臍帶，同埋因為太急，最後都留唔到臍帶血，只係留咗臍帶。之後我因為太攰，安頓咗囝囝之後，即刻叫醫生幫我全身麻醉等我休息。」
由於Johnson35周便出生，體重較一般初生嬰兒輕，出生時只有4.2磅，肺、胃功能亦未達到最理想，出生後要立即瞓氧氣箱，身上還要插滿喉及儀器，梁政玨更說等足八日才有機會親吻囝囝，那種骨肉分離感覺很不好受：「我每日都會隔住個箱探囝囝幾次，但到第八日先可以錫到佢，我伸個嘴入箱錫佢塊面，佢即刻笑，真係好奇妙，好似知道媽咪去錫佢咁。」梁政玨老公John昨日接受《蘋果》訪問時，開心地表示：「多謝大家關心，不過今次老婆最辛苦，所以一定會錫曬佢。」
採訪：小米
from:
http://hk.apple.nextmedia ... 151015/19333096
