現年34歲、有新一代「咪神」之稱的梁政玨，去年底秘密入紙申請註冊結婚，下嫁較自己年長10歲的商人何思源（John），上月更向本報承認一擊即中，婚後一個月即發現有喜陀男B，雙喜臨門。
梁政玨今年1月低調出嫁，只有男女兩家人吃飯。資料圖片
梁政玨笑指醫生讚囝囝鼻高高，十分靚仔。
梁政玨愛犬Anna今年12歲，她說最開心是愛犬可見證她結婚及生B。
心情緊張唔嚇得
懷孕6個多月的梁政玨，早前透露會開刀分娩，除了因為遺傳了母親子宮出現後屈，還有胎盤前置問題，如果選擇自然分娩，可能會導致出血過多問題。不過，本來應該多些臥床休息的梁政玨，日前卻穿上三點式泳衣曬太陽兼嘆凍飲，她接受本報電話訪問時說：「之前真係有聽醫生話成日瞓喺度休息，但瞓得太多搞到條腰好痛，右邊腰直頭腫咗，所以先至出去曬嚇太陽，等自己郁動一嚇。」
首次當媽媽，梁政玨承認心情有點緊張而且唔嚇得，她笑言：「唔知係咪心血少咗，𠵱家唔多嚇得，好似有次個肚唔舒服，老公幫我按一按，我突然間覺得好驚，成個人震曬。」她又謂：「可能因為陀男B影響咗荷爾蒙，我胃口都變曬，好似我本來一直唔飲奶，但𠵱家就好鍾意飲。不過，最唔明係點解已經陀咗6個月，但係我仲係成日都會作嘔，有啲辛苦。」不過梁政玨又透露日前做產前身體檢查，首先見到囝囝在肚內的樣子，即時令所有辛苦都忘記了，還笑指醫生讚囝囝的鼻很高下巴尖，是靚仔一名。
另外，待產的梁政玨最近亦有為老公下廚，前日還在instagram上載了6個小菜的相片，但相片落tag就相當有趣，包括「有人叫加多d水點知被毀容」，還有「男仕恩物」及「何師奶遲下有精神就教煮餸」等，十分搞笑。
採訪：小米
from:
http://hk.apple.nextmedia ... 150804/19242031
