現年34歲、擁34C魔鬼身材的「咪神」梁政玨，去年年底秘密入紙申請註冊結婚，嫁給比她大10歲的生意人何思源（John），並到法國預支蜜月。梁政玨婚後一直沒有公開露面，連婚照都沒公開，原來她一擊即中，成功為夫家繼後香燈陀男B。
梁政玨昨接受本報電話訪問，證實已懷孕5個多月，預產期在今年11月。一年內完成結婚、生仔兩件人生大事，真正是雙喜臨門，梁政玨透過電話開心笑說：「我今年1月14日註冊結婚，因為覺得搞傳統婚宴會好辛苦，而且覺得兩家人食餐飯已經好浪漫，所以連親戚都冇請。」她又強調自己並非奉子成婚：「本來都有生Ｂ計劃，因為家姐努力咗幾年都冇聲氣，所以婚後都即刻努力造人，大年初五突然頭暈作嘔，之後好似厭食症咁，食乜都嘔又覺得所有嘢都臭，只係食到乳酪同生果，一驗先知道有咗。」
一索得男，梁政玨自爆本來想生囡囡先，連名都已經諗好，現在惟有即刻諗男仔名。問她會否選擇順產？她透露：「我要開刀生，因為胎盤前置，同遺傳咗媽咪子宮有啲向後屈，如果順產有機會出血。」
【羨煞旁人】
梁政玨指老公答應每年結婚週年都會到不同國家跟她結一次婚。
【一擊即中】
梁政玨一索得男，結婚一個月即發現有喜。
為囝囝封胸
為籌備這次婚禮，梁政玨自言花了不少心思，愛犬更穿小婚紗陪她出嫁，而婚紗則是她自己設計，媽咪、婆婆及奶奶亦有一齊穿裙褂影相。她說：「出嫁當日喊到假眼睫毛都甩埋，化妝師一早提咗我要忍住唔好喊，但忍得真係好辛苦，攬住媽咪就即刻喊。」
即將由人妻升格為人母，問梁政玨會否復出拍劇？她坦言不想再性感演出，出席品牌活動則沒有所謂，她說：「做咗媽咪想擺多啲時間照顧囝囝，而且唔想被定形。」待產的她又冧爆說：「老公話每年1月14日都會同我去唔同國家結一次婚，不過囝囝準時出世嘅話，明年1月都係得兩個幾月，可能到時會喺香港搞party，順便慶祝囝囝一百日。」
採訪：小米
【三代同堂】
梁政玨與媽媽（右起）、婆婆及奶奶都齊齊著裙褂影相。
【愛犬陪嫁】
梁政玨的愛犬穿上小婚紗陪她出嫁。
from:
http://hk.apple.nextmedia ... 150703/19206255
