梁政玨懷孕特別敏感難頂香味勁嘔

現年34歲的梁政玨於年初秘嫁生意人何思源（John）後，現已懷孕34周，預產期在11月初。首次懷孕的她，由於有胎盤前置、胎盤過低及子宮後屈問題，陀B以來先後兩次出血，早前更在銅鑼灣突然作動，最後由救護車送入醫院，現在要住醫院直到生B。

梁政玨早前因出血緊急入院，老公及母親陪伴在側。資料圖片

因為兩度出血，梁政玨早前已入院待產。

表現唔耐煩

梁政玨日前在Instagram開心表示醫生指她情況已穩定下來，惟她昨日突然貼長文，呻護士的香水味令她嘔吐大作，內容大致說：「孕婦本身對味道係特別敏感，作為醫護人員應該好清楚，我係有特別情況先需要住醫院直到我生ＢＢ為止，但護士嘅香水令到我一嘔再嘔。」

「今朝醫生知道我半夜有特別狀況，所以好早嚟睇我，同一位護士走近，佢都係噴濃味香水（可能剛噴，特別濃）我本能反應掩鼻，講咗句：『嘩！你啲香水好濃』，佢企喺旁邊好似好唔耐煩，有啲好奇怪周身郁嘅body language，之後醫生走咗，佢拍心口話呢個係佢personal用嚟impress自己嘅方法，唔關我事。」

向醫院反映

點知件事仲未完，當時梁政玨剛好想嘔，她問那位護士給自己一隻碗盛載嘔吐物時，對方竟然拋下一句：「咁你嘔啦！」然後樑政玨想叫對方留下姓名，但對方跺地並表示不會寫，然後樑政玨已經忍不住，直接嘔到地上。梁政玨更表示：「佢嘅反應令我好驚訝，令我最擔心嘅係佢係比較前線而且高級嘅護士主任，理應會掌管多啲權力，但係佢唔識處理自己嘅情緒……」

本報昨日聯絡梁政玨瞭解情況，她說：「其實係想講番自己感受，因為心裡要面對可能要早產，但ＢＢ又未足磅嘅壓力，又成日為呢啲事嘔，我就諗唔係得我一個孕婦遇到咁嘅問題，只係佢哋冇講出嚟，但係我覺得呢個問題係要正視嚇嘅，同咗主診醫生同醫院反映，佢哋都會幫我跟進。」

採訪：小米
from:http://hk.apple.nextmedia ... 150923/19305464

梁政珏與商人老公何思源的愛情結晶品預計在11月出世。互聯網圖片
梁政珏預產期是今年11月初，如今已經順利過渡八個月，真是可喜可賀。梁政珏首次懷孕就一波三折，兩度出血入院，經歷胎盤前置、胎盤過低和子宮後屈等問題，所以一直要待在醫院小心護理。中秋佳節，梁政珏繼續要待在醫院待產，不過她心情似乎不俗，前日她在Ig寫道：「今日我竟然有得散心，成個月以來第一次外出，雖然都係醫院去醫院，但已經好好好開心喇，仲食咗碗雲吞麵㖭，總算平安度過……」之後她又上載跟老公抱抱的照片，撫摸肚子的梁政𤤴一臉滿足。

梁政珏難得可以出外欣賞藍天白雲，所以在Ig開心分享。互聯網圖片

懷胎8個多月的梁政珏肚大如籮。資料圖片
「瞓喺度血凝固」

長期住院的梁政珏接受電話訪問時，解釋為何可以外出食雲吞麵的原因，她說：「因為我呢個情況，常見係會見紅，要流出嚟就會流出嚟，就算你倒吊個人，佢要流出嚟都係會流，但如果你瞓喺度唔郁，佢就會凝固，咁樣係好危險。」

梁政珏首次懷孕經歷重重難關，曾經兩度出血入院。資料圖片
「醫生建議企同行」

有指孕婦有出血迹象，便要卧床，忌四圍走動，梁政珏說：「老人家同坊間流傳都係話，如果見紅，就最好卧床，千祈唔好郁，唔好企起身，連洗手間都唔好去咁樣。我都試過卧床，就係因為聽老人家講嘅，醫生聽到之後就嗌我千祈唔好呀，有生命危險。so far我問過8個senior專業醫生，個個都話我呢個case一定企同行，如果唔係就好危險。但因為我哋都唔知邊一次見紅係生嗰次，所以為咗母子平安，就要喺醫院住，喺有需要嘅時候得應該要嘅照顧。」提到一個月後出世的兒子，梁政珏小心翼翼地說：「有時反覆啲有時就好穩定，一讚佢一兩句，跟住佢就會好小器……我個仔係最小器嘅。」

採訪：卓寶花
from:http://hk.apple.nextmedia ... 150927/19311333