趙哲妤聲稱半年沒有來經，才發現自己大肚。
前中國小姐趙哲妤（Uny）、孫慧雪、仙樂都及筱靜等，昨日在尖沙嘴出席首飾品牌Reve開幕活動。早前自爆遭舊愛騙財6位數字，一度要變賣名牌手袋解財困的Uny，最近忽然發現已懷孕6個月，這個突如其來的消息，對她而言卻不知是喜是憂。
Uny現身時穿上高踭鞋，但明顯肚凸凸，她笑言：「我已經揀咗5條裙先揀到呢條。」問到是否要恭喜她？Uny即謂：「嚇！我唔識答呀！其實都好耐冇女性唔方便日子，都有成半年。」
每月做檢查
她指現時的身體狀況良好，每個月都有做定期檢查，亦會繼續工作，但有很多事情不便公開談論。Uny多番欲言又止，只願透露經手人是圈外人，並沒有結婚計劃。她直言：「結婚生B離我好遠，同每一個人講都唔信，屋企人都唔信，阿妹仲話我瘦。」經手人是否不想負責任？她迴避的說：「冇講呢個問題，事發突然，我好遲先發現，我覺得個肚郁嘅時候，已經係半年嘅事。」
趙哲妤（中）早年參加中國小姐奪冠入行。
資料圖片
趙哲妤提到和男友分手問題即哽咽。
多位𡃁模出席活動，正面看趙哲妤（右三）不似懷孕半年。
「屋企人唔信」
問到Uny要做未婚媽媽？她笑謂：「就算要結婚都要有S身形先著婚紗。」有關生育後的安排，以及是否會和BB的生父共同撫養等問題，Uny仍未有詳細考慮：「我都唔知，要問男方，我冇問過所有關事嘅人士，講唔講得，有關生命都要問過（經手人）先。」追問她是否和經手人已分手？Uny突然激動哽咽說：「唔知，但我𠵱家單身，𠵱家仲要諗去邊住，因為屋企要裝修，屋企人都唔理我，佢哋都唔信。」
採訪、攝影：王連連
from:
http://hk.apple.nextmedia ... 160926/19781680
