王馨平（Linda）忽然捲入舅父曾江和謝賢（四哥）的掌摑風波，被父親王羽下令充當和事老，請兩位長輩出席和頭酒解決事件，但Linda自覺作為後輩其實不應插手。Linda前晚與李樂詩、李蕙敏為在尖沙嘴舉行的「愛心滿東華慈善晚會」擔任表演嘉賓，同場還有東華三院主席何超蕸、總理王賢誌、馬清揚夫婦及王喜等出席。
Linda透露因為祖母突然要入院施手術，所以孝順的爸爸即趕來港探望，而同時又不斷打探有關曾江和謝賢的掌摑風波，她說：「佢話要出面請佢哋食飯，搞和頭酒，又命令我打電話，我𠵱家好頭痛，我打畀舅父（曾江）冇問題，唔知點搞謝賢uncle，佢哋咁多年好朋友，唔想佢哋搞成咁，老人家嘅事，其實後輩唔應該理，但爸爸吩咐我。」Linda謂忙完手上工作，日內會開始處理事件：「爹哋應該有謝賢uncle電話，佢畀咗個難題我，細個叫我唔好理長輩嘢，但今次要我去搞。」問她到時會否出席和頭酒？Linda沒好氣說：「都要出席啦！因為今次爹哋想，佢仲命令我咁做，我都有啲緊張，我爹哋真係好頑皮囉！」
王羽出面為謝賢掌摑曾江事件擺和頭酒。資料圖片
王馨平自幼父母離異，已過身的媽咪林翠是曾江胞妹。
李蕙敏（左）及李樂詩擔任慈善晚宴表演嘉賓。
嫲嫲入院施手術
除了為安排和頭酒而煩惱外，她亦為逾90歲高齡祖母的病情忐忑不安，她透露祖母因患了膀胱結石入院做手術：「不過夜晚收到好消息，嫲嫲手術好成功，聽朝早會去探佢。爹哋好孝順，知道嫲嫲突然做手術，所以嚟咗香港。」由於Linda父母早離異，而在她年幼時，父親因當紅而片約不斷，所以照顧她的責任就落在祖母身上，所以感情特別深厚，她說：「記得嫲嫲同我打韆鞦，又知我鍾意飲茶，成日帶我去飲茶。」
採訪：羅慧敏
攝影：沈健程
from:
http://hk.apple.nextmedia ... 150906/19284349
