王馨平（Linda）再出發燒碟，首度採用同步錄音方法務求感情表達最原汁原味！雖然用靚器材錄製CD，但Linda指沒超出預算，更不會攤大手板問從商的老公攞錢包底，堅決要做自力更生的平民歌後。
王馨平覺得同步錄音不會為她帶來壓力。
王馨平回歸樂壇後，已推出第二張靚聲碟，當中除了與多位著名音樂家如包以正等合作，更首度嘗試同步錄音，與樂手一氣呵成錄歌。Linda坦言用這種方法沒太大壓力，反而十分享受：「雖然係現場同步錄音，但同現場表演唔同，因為現場表演只係唱一次，同步錄音可以錄幾次，但事前練習好緊要。成個過程我唔使擔心啲乜，只要投入唱，享受過程。」
聽發燒碟的樂迷對音質要求甚高，問Linda會否擔心她的「馨」聲細語被批評？她說：「唔驚聲音有瑕疵，人唔係機器，一定有瑕疵。瑕疵唔係指拍子唔啱、音唔準，係指例如我唱到一個字想喊，嗰種想喊嘅感覺，同平時唱出嚟唔同，但嗰種係一種感情，會有感染，我覺得嗰樣嘢好可貴。」
去年王馨平曾出席好友黎瑞恩的演唱會。
再推出發燒碟的王馨平，不怕製作費超出預算。
老公助推銷
Linda用了靚機器混音，更在奧地利製作，但成本仍在控制範圍內。問若不能回本會否要求老公包底？Linda說：「我都有啲錢，我有公司，所有運作都係公司資金運作。呢幾年出番嚟做嘢都有做商演，唔會咁差話想搵老公幫手，我老公淨係幫我推銷嚇隻碟。」
化妝：Christy Li@MOD
髮型：Jacky Leung@II Colpo
場地：Pacific Place II Colpo
文：音樂組
From:
http://orientaldaily.on.c ... /00282_038.html
