王馨平（Linda）、馬德鐘、王敏德、鄧建明（Joey）、林敏驄、鄧梓峰、吳忻熹、陳保元及林韋辰等人，昨日出席於清水灣鄉村俱樂部舉行的「蘋果日報慈善基金慈善高爾夫球賽2016」，馬德鐘與蘋果日報慈善基金董事葉一堅、清水灣鄉村俱樂部副主席王桂壎律師齊齊主持開球儀式，林敏驄、王敏德、Joey及鄧梓峰則組成型男組出賽。
Linda父親王羽，早前在泰國曼谷機場暈倒，送院後被證實急性腦出血（即中風），昨日Linda現身談及父親狀況，她說：「爸爸休養中，原本好想快啲返台灣，不過佢𠵱家仲喺曼谷，因為醫生話台灣天氣𠵱家好凍，唔係好建議呢個時候送佢返去。」她又透露：「我其實農曆新年前去過泰國探爸爸，新年就返咗嚟香港陪老爺、奶奶，因為奶奶都有啲唔舒服，不過我下星期都計劃再去曼谷探爸爸。」
王馨平表示稍後會再到泰國探望父親。資料圖片
林韋辰（右）昨與林敏驄等人組成型男組出賽。
馬神：golf難學難精
負責開球的馬德鍾表示：「我以前喺馬來西亞學嘅，見到啲golf場好靚，自己想落去行嚇，但唔識佢又唔俾行，咁就學嚇囉，但golf係難學難精，一定要放時間落去。」已有17年球齡的王敏德與Joey打了半場退賽，Joey表示腰痛難耐，不想痛極才叫停，王敏德則表示：「我好鍾意這個運動，囝囝（王躍穎）同Irisa（二女王麗嘉）都鍾意打，不過老婆Janet（馬詩慧）就唔鍾意。」
已升呢人母的98年前港姐吳忻熹，昨日得最近球洞獎，她自爆從前瘀事：「當年我參選港姐，公司安排我哋打波，我當年係唔識，我揮杆打波，打中攝影記者個頭，佢額頭立即腫咗，我好唔好意思。」
採訪：比華利
攝影：陳志嵐
馬德鐘（左）與壹傳媒集團平面媒體行政總裁葉一堅（左二）、蘋果日報副社長的張劍虹（右二）及鄧梓峰合照。
王敏德表示很喜歡打golf，但太太馬詩慧就沒有興趣。
from:
http://hk.apple.nextmedia ... 160227/19507397
