失蹤手機藏楊秀惠篋陳瀅攬上身：我自己唔小心

被喻為「新一代宅男女神」的陳瀅（Jeannie），早前與陳豪、蔡思貝和楊秀惠等人拍劇，他們經常上載合照到Instagram等社交網站，似乎合作十分愉快，不過昨日有週刊報導指，早前陳瀅與楊秀惠等人拍廠景其間，突然發現她的iPhone不見了，在場人士周圍幫她找電話，最後啟動手機中的「Find my iPhone」功能後，發現她的iPhone離奇在楊秀惠的手提篋出現，最後陳瀅息事寧人當沒有事發生，但事後矛頭直指楊秀惠，更表示兩人私下不算老友。

楊秀惠聲稱自己與陳瀅是「雪糕之友」，更想將對方私有化。資料圖片

在楊秀惠（右）的Instagram中，不時發現她與陳瀅的合照。

陳瀅與楊秀惠合演《潮流教主》，有傳拍攝期間發生失竊事件。

異口同聲「係friend底」

Jeannie昨晚在中環出席活動，她直認因為自己大頭蝦：「嗰日我埋位嘅時候，我喺度玩電話，到埋位嗰陣咪放低個電話喺張枱，之後導演話要清曬枱面啲劇本，所以秀惠唔小心將我個電話收埋咗，呢啲事經常都會發生，真係好小事。」但今次惹起偷竊風波，Jeannie說：「絕對唔會，今次係我自己唔小心，將啲電話亂放，我同秀惠係friend底，成日都會請對方食嘢，報導出街之後，我哋見到都覺得好搞笑，佢仲話點止想攞我電話，仲想攞我返屋企。」Jeannie更稱活動過後亦會和秀惠繼續開工，她說：「我哋約好咗會買嘢請對方食。」

本報昨日亦有向楊秀惠求證，她與陳瀅口徑一致，除承認發生過這件事，更說：「拍劇經常忙中有錯，當時要快啲清走枱面啲嘢，呢個新聞真係得啖笑，我同陳瀅私底好friend，成日約食雪糕，可能見我有新劇上，幫我做宣傳！查實我仲想將陳瀅pack埋返屋企，因為我哋係雪糕之友！」

採訪：何慧斯、譚倩宜
攝影：陳俊強
from:http://hk.apple.nextmedia.com/entertainment/art/20150716/19220779

早前大台嘅姐仔們就發生咗一單「電話離奇失蹤事件」，當時「新一代宅男女神」陳瀅(Jeannie)就拍完劇，發現唔見咗個電話，最後個電話原來喺楊秀惠個篋入面。楊秀惠就話都唔知點解會發生呢件事，不過楊秀惠就話同陳瀅好好朋友，所以得啖笑。

表面係咁講，但實際上又點呢？昨日就係楊秀惠嘅生日，前晚佢一班好姊妹就幫佢慶祝生日，而陳瀅都有出席，唔只出席，仲準備咗個蛋糕。楊秀惠一口氣貼咗多張圖，寫道：「謝謝，妮妮(許亦妮)、Jeannie陳瀅女神的蛋糕，我太愛了，還有太多的好友，由於工作關係無法出席，你們的祝福我都收到了，太愛你們的，接下來的幾個星期，繼續慶祝！！」唔似有心病囉(好似係)…咪住先，花生呢？

是咁的，楊秀惠貼咗好多張party相啦，其中呢張壽星女合十許願嘅，咦，支香檳不偏不倚，啱啱好遮住咗女神陳瀅個樣……真係咁巧合喎!如果有心揀靚相的話，點會咁唔小心揀著呢張0架…影嗰陣又冇人為意喎……(正所謂女人心係咪？)仲有，楊秀惠就狂貼生日相，但到賀嘅陳瀅就冇貼合照，只係貼咗張單人相……

另外楊秀惠仲貼咗條片，就係佢哋打算開香檳，不過都未有人掂支香檳就自動開咗，嚇到成班女仔大叫。
from:http://hk.apple.nextmedia ... 150721/19226739

陳瀅（左）

陳瀅噚日喺商台宣傳下月21號推出嘅圖像文學《半透明的舞孃》，講到最激嘅一輯相，佢透露係全裸但三點不露，為免尷尬，當時清場拍攝，陳瀅表示拍呢輯相，除咗留個紀念之外，佢想克服呢個恐懼，因為佢到𠵱家仍然被人批評唔夠瘦，所以佢想同觀眾講佢接受自己嘅身形。喺傍晚，陳瀅現身圓方，原來佢約咗女友人食飯，臨走又撞到公司同事。

撰文：馮仁昭

馮仁昭
from:http://hk.apple.nextmedia ... 150729/19235399