男友何猷亨身在波士頓與家人慶祝胞弟猷君大學畢業，昨日陳瀅則與文青女神袁澧林在灣仔會展參與夏日婚紗展，二人演繹多套設計師婚紗，陳瀅分別穿上露背、谷胸及露肩等婚紗亮相。
陳瀅早前曾和何家齊齊現身活動，身份被肯定，今次則沒份參與，她說：「我要工作呀，私事唔講太多，之後會私訊恭喜對方。」陳瀅小時候曾幻想二十出頭就出嫁，婚禮就像迪士尼公主一樣，成長後則思想改變，她說：「我諗我第日婚禮會喺外地舉行，要朋友請假，自己買機票嚟參加，可以試驗到邊啲係真心朋友。」若和男友猷亨修成正果，定必成世紀婚禮？陳瀅煞有介事說：「點會，話明要自己請假、買機票飛去。我哋現時都以工作為主，冇刻意提過呢樣嘢，而且身邊朋友都係單身，冇壓力。」
採訪：卓寶花
攝影：沈健程
文青女神袁澧林（左）孖住陳瀅齊齊穿上婚紗亮相。
陳瀅與猷亨於今年1月甜蜜拖手，正式公告戀情。資料圖片
From:
http://hk.apple.nextmedia ... 160605/19641686
