張致恆（Steven）前晚與「香港珠寶小姐」女友莊端兒在旺角百利達商場疑發生撞車，被白色座駕車主拍片擺上網狂插：「我落佢上，我知佢唔夠彎過，我停定，佢睇都冇睇照扭，直到我車感覺到郁，我就響按，佢冇理我直上7樓，上到去佢仲惡過我，問我call人定報警，明星喎！」在短片中，見Steven無奈說：「如果真係我哋錯嘅話，睇閉路電視，咁我哋咪賠囉。」女友莊端兒則說：「咁所以我唔明你無啦啦做乜呠。」
對於被狠插明星大曬不顧而去，Steven昨日透過短訊澄清：「警察睇過，話唔關我事，最後雙方離開，唔使我賠錢，我哋都冇撞到任何嘢，警察話我冇撞到佢。」問當時是否他駕駛黑色Benz？Steven回覆：「我女友。」記者翻查車牌得知，Benz是莊端兒持有。
張致恆和女友莊端兒（上圖）前晚在旺角被質疑撞車後不顧而去，遭白色座駕車主在fb狂插（下圖），張致恆昨透過短訊否認：「警察話唔關我事。」
莊端兒到停車場攞黑色Benz時，刻意繞車一週視察。
雖然Steven不願透露詳情，但前晚在場的友人King就代抱不平，向本報講出另一版本，King指他們泊車後，著背心的白色車主很兇地大叫：「你知唔知你哋撞到我架車啊？」King說：「佢哋話我哋挨到佢架車，之後報咗警，警察到照勻曬我哋架車一啲痕跡都冇，仲落埋簿。」
莊端兒前晚虛驚一場後，昨早約11時，本報發現她單拖到沙田一田百貨試比堅尼，她竟著住三點式走出試衣室找店員幫忙綁背後的泳衣帶，還狼狽到幾乎走光，嚇到她連忙㩒實比堅尼。其後莊端兒到停車場取車時，不知是否有陰影，還刻意圍著黑色Benz視察一圈，才駕車離去。
此外，已離開樂壇的Steven家姐張詠恩（Yan），昨午5時半則現身中環歌賦街踱步，之後入店舖睇睡袍和泳衣，離去時被問到Steven涉撞車，Yan力撐細佬：「佢揸車OK，但噚晚係佢女友揸車，都好安全，事件交警方處理唔講咁多。」
採訪、攝影：徐錦池、梁繼光
from:
http://hk.apple.nextmedia.com/entertainment/art/20150630/19202444
