連續第五年推出寫真集的黃榕，年年書展都諗橋出招谷銷量，靠身材搵食，黃榕食得鹹魚抵得渴。但重提昔日半夜三更做「外賣妹」，坐的士上陳冠希屋企，甚至無緣無故被前男友Steven張致恆飛起，情場身經百戰的黃榕，心中仲係有條刺。
半夜急call年年出寫真，性感底線一年低過一年，黃榕自爆其中一張除喱士內褲相，因怕被投訴而自行抽起。
「我要出書keep住知名度，先可以返內地登台，而家每個月都有一至兩單，如果好景，會有六至七單，一個騷三萬蚊，已經夠生活費，有時搞騷班老闆又會幫我買書，所以出寫真集都賺到錢。」黃榕說。
出道十三年，只拍過幾部電影，但黃榕在內地有一定知名度，全因她曾經是「陳冠希緋聞女友」。
「識著佢（Edison）其實好唔開心，唔係正常拍拖，每次都係上床，𡁻完鬆，佢鍾意半夜兩、三點叫我上屋企，如果我唔去，就會發癲鬧我。其實當時我冇乜嘢做，半夜由觀塘（屋企）搭的士去中環（Edison屋企），車錢都要百幾二百蚊，對佢可能係小數目，但對我係負擔，佢從來冇話俾番的士錢我。
「同佢一齊幾年，Edison有叫我著情趣內衣俾佢睇，我覺得氹男友開心好正常。佢都有叫過我去旅行，不過冇應承，因為自己冇錢，佢坐頭等，我坐經濟，去到先會合。佢有冇要我拍video？我唔講喇。」黃榕說。
黃榕幾年前開始練舞玩瑜伽，身形弗爆。
黃榕每年書展都搏命力谷，今年就寸五十羅霖只賣出四千本，只得她寫真集銷量的一半。
二人合照極少，原因是要得陳冠希批准。
陳冠希會送情趣內衣給每個女友，不過黃榕怕污糟早已掉曬。
魏焌皓經常在微博曬朱古力肌相。
魏焌皓契妹，原來是黃榕前度Steven的現任女友莊端兒，關係七國咁亂。
張致恆修心變乖，近年公開女友只有莊端兒一個。
張致恆出道時，跟黃榕拍拖半年，就突然消失失去聯絡。 偷嗒契妹
陳冠希女友多到數唔清，其中Rosanne已嫁牙醫並生埋仔。拍拖期間，陳冠希被拍到跟2R的Rosanne（黃婉君）密會，但他以「佢借我宣傳」向黃榕解釋，直至○六年，Edison承認與楊永晴拍拖，但仍無間斷搵黃榕，最後她忍受唔到決定斬纜。
「分手之後，我發現自己有抑鬱要睇醫生食藥，要屋企人照顧我，嗰時仲加入咗高潮樂隊，因為每次出騷都好驚，身體唔好又賺唔到錢，之後就離開咗。」黃榕說。
靚仔無本心，黃榕之後同大台三線藝人魏焌皓拍拖，結果都係一樣：「我哋已經做曬拍拖嘅嘢，佢𡁻完鬆，好多朋友都叫我小心佢，話佢花心，好似佢同契妹（張致恆現任女友莊端兒）玩到攬頭攬頸，成日上對方屋企，又喺電話set咗對方個名叫baby，我就叫Gloria，我點會開心。反而Steven（張致恆）變咗好多。佢出道時，我哋拍過拖半年，當日佢都係突然消失冇搵我，可能受到公司壓力啩。」
