潛水多日的夢夢和Ricky前晚拍拖出席范振鋒生日會時獲安慰。互聯網圖片
戴夢夢自從被揭戀上人夫、太極鼓佬朱翰博（Ricky）後，與愛郎的形象齊齊插水，昨日又有讀者爆料，指夢夢曾跟Ricky學打鼓，當時已經閂埋房門細聲講大聲笑，Ricky更唔收夢夢學費，又指Ricky疑一腳踏幾船，之前跟音樂學校的女助手搞曖昧，日前他與夢夢被爆戀情，被蒙在鼓裏的女助手都好傷心。
讀者又爆Ricky名下還有一架靚車，價值70多萬元的開篷Benz，乃老婆Anne買給他代步的，現在Ricky嫂想收回這車，不過Ricky就唔肯還給老婆！昨日記者向Ricky嫂求證，但至截稿前未回覆，而夢夢和Ricky就繼續避接電話。
讀者爆料指夢夢曾獲Ricky免費教打鼓，閂埋房門細聲講大聲笑。資料圖片
有指Ricky嫂欲收回70多萬元的開篷Benz，但Ricky卻拒絕歸還。資料圖片
拍拖賀范振鋒
潛水多日的夢夢和Ricky，前晚拍拖出席范振鋒嘅生日派對，被指拜金偷食被前未婚夫陳定幫怒撇的夢夢，明顯消瘦了，雖然她心事重重，但仍擠出笑容，反而Ricky表情就輕鬆得多。范振鋒昨在電話說：「噚晚喺朋友屋企預祝生日，我哋有個群組，之前我同夢夢講，唔方便（嚟）唔緊要，佢話OK。」
問前晚兩人玩得開心嗎？范振鋒說：「正常有講有笑，不過夢夢真係瘦咗，唔知係咪keep fit呢！」問他夢夢有冇飲醉？他說：「冇，成晚飲一杯，我都有安慰佢，好快會過去。」
范振鋒指自己跟夢夢較熟，問是否早知他們拍拖？范振鋒說：「今年生日，夢夢第一次帶佢出席，不過之前公司食飯有見過，佢嚟接夢夢走。」對於兩人的是非，范振鋒說：「佢哋幾個人先知，唔同版本，最緊要搞清楚，放低過去過新生活，強求冇意思。」
採訪：皓騫
from:
http://hk.apple.nextmedia ... 150619/19189152
