朱翰博換走自訂車牌掩人耳目揸波子接戴夢夢返家

今年49歲嘅太極樂隊鼓手朱翰博（Ricky），背妻偷嗒30歲戴夢夢，戀情被踢爆後，Ricky火速解畫，聲稱已同結婚27年嘅老婆Anne分居，忘年戀一撻即著，相隔20年嘅愛比一般情侶燒得更加熱熾，就算係夢夢媽出馬，都無辦法阻隔佢哋正在燃燒嘅愛火，真係你有你講。Ricky同夢夢繼續糖黐豆咁高調拍拖，懶理親人好言相勸，同埋外人嘅流言蜚語。

Ricky冇被邀請

本報收到讀者報料，話發現夢夢和Ricky前晚現身西環嘅華星客棧，原來前晚係風水師傅吳佩孚請客，夢夢亦係賓客之一。主人家吳佩孚一家四口，老婆同一仔一女，席上客仲有蘇永康、張立基等，而張立基食完飯仲喺微博貼相話：「多謝吳佩孚師傅請食飯……好食。」不過，席上唔見有Ricky嘅影蹤。


蘇永康（中）同張立基食到11點幾一齊離開。

莊思明陪莊思敏出門口食煙。

莊思敏喪煲煙

直到夜晚10時左右，先行步出餐廳嘅夢夢，喺門外四圍望，之後好快搵到男友Ricky架波子，夢夢第一時間跳上車，同男友傾咗幾句，然後再行返去餐廳方向，專登同企喺門口食煙嘅莊思敏寒暄咗幾句，之後就返上Ricky架車走人。不過見Ricky換走咗架波子之前嘅自訂車牌，套咗一個普通車牌。

其他賓客蘇永康同張立基大約11點離開，臨走前仲俾班餐廳職員捉住影合照。至於同一晚，莊思敏、陳庭欣同黃百鳴亦喺華星客棧開餐，其間莊思敏同男友人行咗出門口食煙，阿妹莊思明就食二手煙陪家姐，佢哋一班人都係食到11點幾離開。

採訪、攝影：吳耀輝、潘冠恩
from:http://hk.apple.nextmedia.com/entertainment/art/20150801/19239020

【齊揀地板】

Ricky與夢夢去揀地板，大部份時間都是男方話事。

【北角→灣仔】現年30歲的戴夢夢於今年6月被傳媒撞破她與比自己年長19歲、太極樂隊的鼓手朱翰博（Ricky）發展忘年戀，更十指緊扣去置地嘆茶。

事後夢夢雖被全城插爆，指她搶人老公、做「小三」，破壞Ricky與老婆Anne長達27年的婚姻，連其母亦幫理不幫親，接受傳媒訪問時叫夢夢不要再糊塗，惟夢夢卻懶理外界批評，繼續高調戀人夫，與Ricky的感情發展更一日萬里，Ricky聲稱3個月前才與夢夢開始拍拖，又指被記者影到當日是首次跟夢夢拖手，但前日本報卻發現二人原來已買樓築愛巢，3個月果然可以發生好多事。

前日下午5時多，本報記者發現夢夢與Ricky於租金每月達4、5萬元，買賣盤入門要近2,000萬的北角豪宅雲景臺現身睇樓，陪伴二人的還有一位據知是地產經紀的男士。夢夢與Ricky睇樓後搭的士離開，他們先在寶馬山道讓地產經紀下車，之後再到灣仔駱克道替新居選購裝修材料揀木地板。

【拖手轉場】

夢夢與Ricky移師去另一店時，手拖手行，儼如一對新婚夫婦。ＤＶ圖片

【挨膊撒嬌】

Ricky專心揀地板，夢夢突然打側個頭挨着他撒嬌。

挨男友膊睇木地板

當日，夢夢明顯怕被認出，落的士後即戴上口罩，再跟Ricky手拖手逛木材店，他們先後入了幾間專賣木地板的店揀地板，其間主要由Ricky向職員發問，夢夢全程只站在Ricky身旁，有時則小鳥依人般將頭挨落Rick膊頭撒嬌。不過，之後有店員發現記者影相向二人通水，夢夢即時拉Ricky離開並混入人群中離去。

採訪、攝影：徐錦池、梁繼光

【載埋經紀】

Ricky前日與夢夢睇完樓後，搭車離開時順道車地產經紀一程。

【睇雲景臺】

夢夢與Ricky前日睇的豪宅雲景臺，要近二千萬入場。

戴夢夢
From:http://hk.apple.nextmedia ... 150902/19278707

【各有各睇】

戴夢夢同Ricky日前到灣仔買門柄，仲邊揀邊研究新屋裝修。讀者提供圖片
【爆相爆片】
【灣仔】戴夢夢同太極鼓佬朱翰博（Ricky）越難越愛，Ricky同老婆仍未搞掂離婚手續，但已同夢夢急不及待築愛巢。本報日前收到讀者姜先生「爆相爆片」報料，佢話上周四喺灣仔駱克道一間五金舖，見到夢夢同Ricky一齊買門柄。

【意見不一】

Ricky睇中銀色同金色門柄，不過夢夢就鍾意啞黑色。

Ricky同夢夢拍拖，但同老婆仲搞緊離婚。

資料圖片
幾百蚊貨色

噚日姜先生接受電話訪問話：「嗰日見到佢哋前後腳出現，嗰個男人喺門口泊緊車，戴夢夢先行入舖頭，佢哋研究買木門手抽，男人話想揀銀色同金色，不過夢夢就話要啞黑色，雖然佢哋有商有量，但最後都係聽女仔話買咗黑色，個男人好似鵪鶉咁，仲聽到佢哋喺度講裝修屋企，話大門要點點點。」問兩人揀選嘅門柄貴唔貴？姜先生話：「唔貴，幾百蚊啫，只係普通五金舖，反而隔籬店就好貴。」

今個月初，夢夢同Ricky被本報發現到北角豪宅雲景臺睇樓，租金每月高達4萬多元，之後佢哋又係去駱克道揀地板，睇嚟佢哋都趕緊新屋裝修嘅嘢。前晚夢夢喺社交網貼出餐枱、梳化、吊燈、玻璃櫃、木櫃嘅相片，留言：「二手傢俬大平賣，有興趣請留言。」擺明去舊迎新，唔知呢啲舊傢俬係屬於夢夢定Ricky呢？

採訪：皓騫

【去舊迎新】吊燈

夢夢前晚喺微博貼相放售舊傢俬，歡迎有心人開價。

木櫃

梳化
From:http://hk.apple.nextmedia ... 150915/19295425