卓林着長袖外套遮掩，否認𠝹手。
吳綺莉（Elaine）早前涉虐女被捕，母女關係一度變僵，15歲卓林更離家出走，至上月底卓林去完瑞士遊學後終於肯原諒媽媽搬回家中。還以為一切事過境遷，怎料吳綺莉昨日在灣仔為數碼電台開咪時，被發現眼腫腫憂心忡忡，被傳媒追問下直言發現小龍女吳卓林𠝹手。
吳綺莉表示前晚發現卓林右手流血，雖然已用衣物遮掩，惟吳綺莉發現有血滲出，才知囡囡𠝹手。她透露女兒受朋輩影響所致，心痛地謂女兒手部有2、30條傷痕，部份傷口更頗深。問及女兒為何𠝹手？吳綺莉一臉疲態說：「我真係唔知點解，可能𠵱家啲小朋友興啩。其實唔係第一次，𠵱家情況OK啦，盡量勸佢唔好咁做。」吳綺莉謂女兒毋須送院止血，又嘆道：「點講呢……我都唔知點講好呢，因為我唔知佢啲同學點樣，盡量勸佢唔好做呢樣嘢。」她表示有跟校方聯絡但沒打算轉校。
吳綺莉曾因阻止女兒買啤酒飲而嗌交，近日卓林在instagram貼藍色酒瓶的相片，讚支酒好好飲。吳綺莉表示不清楚：「（囡囡）去到呢個年紀，有啲嘢唔係我哋可以控制範圍以內。」她表示有帶卓林睇醫生：「可能呢個年紀嘅小朋友，比較唔係好知自己想點，有呢啲反叛情況。」是否很自責？她說：「唔係自責，學習第一時間唔可以發脾氣，但個個媽媽見自己小朋友受傷都唔開心。」
吳綺莉昨日傍晚開車到村口接女兒到大尾篤士多，買完東西之後返家。
昨晚翁靜晶獨自去到吳綺莉家探望。
卓林畫有兩行淚的畫作，透視了她孤獨的世界。資料圖片
長袖外套遮手
昨日卓林在ig貼兩張《完美巨聲幫》戲票，相信是去睇戲減壓。約傍晚5時半，吳綺莉獨自駕車返大埔寓所，6時許再開車出村口接女兒到大尾篤士多，買完東西後返家，記者問卓林是否𠝹手？着長袖外套遮掩的她說：「冇」即匆匆跟媽咪入屋。晚上7時許，翁靜晶獨自到吳家，問知否卓林𠝹手？她避而不答，只說：「我嚟食飯，探吳綺莉。」其後吳綺莉和翁靜晶到大埔三門仔食飯，並買外賣給卓林。
採訪：梁繼光、吳耀輝
from:
http://hk.apple.nextmedia ... 150610/19178491
