李亞男昨日在銅鑼灣出席開幕活動，主持讚她是模範人妻，而婚後與奶奶及王祖藍妹妹同住的亞男透露，婆媳關係良好，閒時會陪奶奶去買餸兼幫手落廚，不過奶奶多數叫外傭幫手，她說：「我煮西餐叻啲，中餐麻麻，祖藍成日去內地工作，妹妹又成日出街，冇乜機會齊人食飯。」
大會安排一名貌似王祖藍的男子教亞男沖咖啡。
亞男自爆在家愛穿背心短褲，不過若祖藍舅父冼偉智到訪，就第一時間入房換衫。被問到婚後是否不設防造人？她說：「唔會咁快生，因為大家都好忙，唔想冇二人世界就有BB。」此外，大會安排了一位貌有幾分似祖藍的男子教亞男沖咖啡，亞男笑說:「身高似啫！喺我心目中，我老公最有型。」
採訪：黃曉妍
攝影：陳慧安
from:
http://hk.apple.nextmedia ... 150414/19111200
