為拍攝電影《四非》，周柏豪放下歌手形象，每日花上兩小時變身像人。拍攝過程雖辛苦，但他內心深處卻興奮莫名：「每日都要提早兩個鐘起身去化妝，啲皮膚亦因為長期焗住而敏感。加上個角色好自悲，為咗唔好走咗個情緒，所以我每日拍完戲都會困番自己喺房，唔畀自己太開心，當時會覺得好痛苦，但同時又好enjoy，因為我好鍾意逼自己去到極限。」
鼓起勇氣瞓上垃圾山，柏豪即被上萬烏蠅圍攻。
戲中一幕柏豪要全裸躺於垃圾山上，他指導演起初是欲以假垃圾混小許真垃圾再讓他躺於上方，因為效果不夠逼真，故導演向柏豪提出要他打真軍。「當時都唔知自己點解會有勇氣咁做！垃圾山度有好多烏蠅，我一瞓上去，啲烏蠅就圍住我，佢哋仲要見窿就捐，有啲飛入我鼻窿，有啲就圍住我下體，最慘嗰場戲講我死咗，所以我幾痕都唔可以郁！」柏豪憶述這一切時，笑說令他想起當時垃圾山的氣味。
髮型：Cliff Chan（Hair corner）
化妝：Kris Wong
服飾：EVISU
from:
http://hk.apple.nextmedia ... 150314/19075300
