莫可欣、張新悅、楊洛婷與Dear Jane主音老公Tim、林曉峰與康子妮夫婦等，昨日在啟德出席「智樂開心小熊醫院2015」活動，他們在台上分享當父母經歷，及與子女享樂遊玩心得。剛新婚的楊洛婷與老公Tim聽到其他嘉賓分享後，即表示會努力造人，早日加入父母行列，不過帶同六歲半女兒現身的莫可欣，卻為是否再生育的問題而煩惱。
自嘲似老蚌生珠
現年四十五歲的莫可欣坦言身邊朋友近年都有生第二個小孩，自己正面對這個選擇，她說：「囡囡話想要細佬妹，我叫佢問爹哋（方中信），爹哋當然話唔好，個女話唔生就不如領養。我都有諗過，不過又考慮到環境同自己年紀問題，我呢個年紀生真係老蚌生珠，怕生唔出。」
（左起）姚嘉妮、莫可欣及鍾浠文昨日出席慈善活動。
楊洛婷和老公Tim說要努力生B，興奮不已。
張新悅生完細女五個多月，收身成功。
張新悅趕住湊女
至於誕下第三位女兒已五個多月的張新悅，笑言放下三個囡囡出席活動有種自由感，但又相當掛念她們，她說：「我都想個活動快啲完，可以快啲返屋企睇BB，兩個大女就跟爹哋落區參觀消防活動，所以得細女喺屋企。」身兼三女之母，她自認是多心的人，想當好媽媽，又想當好太太及擁有自己事業，所以平日都甚少時間休息，儘量兼顧多方面。問她會否再生一名兒子？她說：「唔會啦！上天畀咗三個女我已經好足夠。」
採訪、攝影：馬建華
from:
http://hk.apple.nextmedia ... 150309/19068531
