方中信、謝天華、洪天明、吳家樂日前撇甩老婆相約飯局，得雷頌德帶埋老婆出席，嗰晚9點半，成班人夫約咗張耀揚等大班朋友，喺深水埗嘅大中華飯店熱熱鬧鬧開餐。大約11點幾，吳家樂同位短裙女行到飯店外買嘢飲，買完返去冇耐，輪到洪天明、方中信、謝天華等十幾位朋友出嚟，難得冇老婆管住，天明同方中信明顯貓咗，腳步浮浮嘅天明仲要挨住私家車先企得穩，要由朋友載返歸。方中信飲到成面紅晒，喺門口同朋友吹吹吓水，突然同男友人周文曦十指緊扣行過馬路，認真搞笑；後來雷頌德同老婆及友人離去，飲咗酒嘅雷頌德由友人駕車，好守交通規則。
from:
http://hk.apple.nextmedia ... 130717/18336881
