方中信前晚以手錶代言身份現身海洋公園，同場有李思捷女友王寶寶（春卷）除衫性感行泳衣騷。方中信開玩笑說：「知佢入咗嚟，喼汁哥叫我同春小姐打招呼。」記者笑言喼汁哥是否指李思捷，他說：「係，喼汁哥，聽聞春小姐好身材，後生女，蝕咗睇唔到，如果唔係點會點喼汁。」
春卷穿起比堅尼行泳衣騷，展示逼爆上圍好身材，成為活動焦點。
推吳宇森電影
方中信透露八月會接拍兩套戲，連吳宇森執導的《太平輪》也推掉，無綫本想找他夥拍苗僑偉拍劇，但因檔期問題告吹。提到熟男潮回歸，方中信笑言：「我睇到報紙張智霖（Chilam）除衫。」記者提議他也可分一杯羹，他表示：「我係謝男，花開到咁上下都塌塌地。」問他會否接受如Chilam除衫？他笑言：「求之不得，唔係邊個知我有六嚿腹肌，好嘢要同大家分享。」
此外，前晚播出的《衝上雲霄II》講到吳鎮宇飾的Sam哥被吳卓羲等人安排相睇，遇到以女僕look示人的小儀，Sam哥卻建議小儀不要着得太重口味，結果有網民大讚Sam哥嬲樣表現可愛，據知這次是Sam哥親自邀請小儀演出，之後劇情會講他們以朋友身份食飯，屆時Sam哥會以機師look現身。
小儀昨在電話說：「今次真係好多謝鎮宇哥，監製話係鎮宇哥提議我做，連造型都夾好晒，結果由客串一集變成五集。」問她會否再有貓女打扮？她笑說：「唔會，但係Sam哥有一日會着得好有型咁約我，我預咗會俾網民鬧。」
吳鎮宇和小儀的一場相睇戲得到不少讚賞，原來這次是Sam哥親自邀請小儀客串演出。Cool魔張智霖近日在《衝上雲霄II》有不少露肉演出。電視圖片
from:
http://hk.apple.nextmedia ... 130727/18351213
