阿佘和Chilam還隨官員遊街，沿途有粉絲跟到實。
【澳門直擊】張智霖（Chilam）、佘詩曼、薛家燕和鄭欣宜等昨日到澳門宣傳電影《十月初五的月光》，眾人在氹仔官也街大派杏仁餅和海報，現場吸引逾百巿民圍觀，有約20位保安護駕，有粉絲追星時不慎跌倒，幸沒大礙。該片昨晚還在澳門舉行首映禮，下周四在港上映。
Chilam近日與阿佘接受傳媒訪問，對談家中愛犬，Chilam指愛犬不時在家中屙尿，戲言要把牠人道毀滅，即遭愛狗人士網上聲討，他前日已解畫是講笑。Chilam昨日續說：「唔可以用自己心態，代入一個人接受能力，自己上咗一課，慎言莫冒犯別人，𠵱家解決咗就放下。」
（左起）薛家燕、佘詩曼和胡渭康落力把海報拋下台送觀眾。
Chilam常與囝囝傾談男人心事。資料圖片
同囝囝傾心事
Chilam指有給快將9歲兒子「魔童」張慕童看過他主演的劇集《十月初五的月光》，魔童遺傳了父親感性，看到催淚畫面會哭起來，Chilam又口快快說：「見佢喊，我好開心。」他突然怕又再失言即改口：「唔好咁講，我同佢喊埋一份，大家係性情中人。」Chilam大爆有跟兒子傾男人心事：「佢成長期有好多疑惑，我願意同佢分享，講到生理上嘅嘢，我唔可以表現驚訝，以平靜事實去回答。」魔童可有透露喜歡女生，Chilam說：「有呀，佢淨係同我分享。」可有引導他揀合適對象？Chilam說：「冇，呢啲係佢緣份，無論有幾多段感情都好，點都要對女仔好。」Chilam有叫囝囝向老婆袁詠儀轉告這番話嗎？他說：「係呀，我同佢講，爹哋好快投入一段感情。」
阿佘形容演出《十》劇時，跟現在身形有點不同：「每人每個階段狀況都唔同，以前baby fat，今次戲中交代我結咗婚有抑鬱，Chilam則會開口講嘢，以前就做手語。」同場薛家燕大爆拍攝現場有幾個男仔贒住欣宜，欣宜就笑言：「會唔會係睇住我食嘅嘢？」
採訪：張俊銘
攝影：陳慧安
from:
http://hk.apple.nextmedia ... 151104/19358591
