走過浮華大地，二月份的台北還很冷，呼吸一口微涼的空氣，前英皇小花蔣雅文（Mandy）打著哆嗦走在自家服飾店樓下的小巷，細碎輕鬆的步伐，那份閒適由心而發。當年退出香港娛樂圈後移居台灣，覺得有選擇是種幸福，去年成為台灣媳婦。她以「嫁人」來比喻有意移民台灣的人，「冇人係完美，如果可以包容，結婚都係一件好事」。
去到台北中山捷運站附近赤峰街，蔣雅文與丈夫朱經雄新開的時裝精品店。小店位於一幢老舊的建築物內，有著格調跟品味，看得到夫婦倆為這間新店花了不少心思。Mandy站在店前笑臉迎賓，老公帶點害羞在不遠處打點。踏進三十二歲的Mandy今年元旦宣佈成為朱太，她在店內接受本報專訪時，不時斜眼甜笑偷望正整理店面的朱先生。
蔣雅文跟丈夫朱經雄合營服飾店，在台北打拚。
Mandy的Ferment Store位於中山捷運站附近的一幢舊房子。
「要包容缺點」
近日台灣成為香港移民的熱門地，七年前早著先機移居台灣的Mandy，當年是想有更大的生活空間，她說：「我需要生活空間，所以無論一個或者自己有另一半，我覺得生活或工作嘅空間唔可以屈質。人連空間都唔夠，會扼殺咗好多可能性同創造力。台灣嘅空間同空氣，比較接近我嚮往嘅生活。」人在異鄉要從新適應生活，最難捱的時候Mandy亦沒有考慮回港：「返香港唔代表唔辛苦，只不過你選擇邊種（辛苦），A餐定B餐。我都覺自己好幸運，有時一個人未必係上天畀咗啲乜嘢你，而係佢畀你選擇，我覺得一個人只要有選擇餘地，就係一件好幸福嘅事。當年我可以揀嚟台灣，就算揀錯，至少你當初有得揀，點都好過冇得揀。我選擇呢度，退居幕後冇咁多注意力，行出街冇人認得。」這個就是Mandy當年拋棄五光十色娛樂圈的原因。
Mandy以過來人身份鼓勵有意來台灣闖的香港人，她說：「當然你旅行嘅時候見到好多優點，但（台灣）亦有好多要包容嘅地方，就好似嫁人咁，冇一個人會完美，佢嘅缺點你都可以包容，結婚都係一件好事。」
Mandy親力親為，打理店舖大小事。
Mandy負責設計女裝，而丈夫則負責男裝。
如今看來輕鬆適應台灣生活的Mandy，來台時也曾碰過釘，當年她以工作證居留，每年都要續證，她說：「工作要達到一個門檻至續簽畀你，台灣係一個幾保護自己人嘅地方，佢哋會睇你嘅經濟效益同貢獻。頭兩年好辛苦，好似條條路都唔通，之後慣咗又好似冇嘢。」她以自己開舖賣衫為例，台灣會比香港勝一籌：「兩地開舖嘅成本差唔多，不過台灣可以運用嘅空間大好多，放產品多啲，客人選擇多咗，返嚟嘅資金都會快啲，機會同效率都大啲。」
分析兩地差異
台北的繁榮生活，其實與香港甚似，不過當然可以選擇，遷往台北以外的地方，雖少一點繁囂，卻多一點悠閒，Mandy說：「台北𠵱家房價都幾高，好多年輕人都買唔起樓，同香港好似，租金亦都唔低，但你可以揀。想接近香港生活，要繁榮啲、五光十色啲嘅，你畀多啲租，就可以過到你想要嘅生活。或者你覺得唔需要，只係想簡簡單單，身邊只要有街市，生活需要嘅地方就OK，你可以去到花蓮、台東。香港就算偏遠地方租金都唔會差好遠，台灣優點係有各種價錢選擇畀你去揀。」
訪問後，Mandy與朱先生在露台讓攝影師拍照，娛圈出身的Mandy應付自如，老公就一直靦腆從旁配合。Mandy獨個走在樓下的小巷悠然自得，讓人體會到「空間」當中的深層意義。
採訪：顏英儀
Mandy妹妹亦在台灣幫姊姊打點時裝店。互聯網圖片
多年前Mandy到台灣與友人合資開服飾店和咖啡店。
from:
http://hk.apple.nextmedia ... 150307/19066235
