離開英皇，遠走台灣重過新生活的蔣雅文（Mandy），最近深受香港網民熱烈吹捧，榮登為高登女神，前晚Mandy以自拍美肌代言人身份出席在淺水灣舉行Keep Calm& Selfie派對，同場還有周柏豪和鍾浠文。
Mandy08年離開香港，到台灣發展時裝設計生意，前晚被問到她會不會重返香港娛樂圈？Mandy說：「冇呢個念頭，覺得唔適合就唔適合，不過，同舊公司keep住好好嘅關係。」
（左起）周柏豪、鍾浠文和Mandy在活動中玩自拍。
返港拍廣告都唔慣
Mandy表示只會擔任代言人一年，她說：「9月時返港拍廣告，都覺得唔習慣。」被問到代言人價錢是否吸引？她說：「其實係以素人身份去接，都係素人價錢，幾多就唔講，過去幾年有好多客戶搵我，包括有美容、減肥藥、隱形眼鏡，但我覺得太過商業化，所以有啲避忌。」
脫離明星行列，只是收素人價錢，Mandy收入是不是大大減少？她理直氣壯說：「如果單純係為咗錢，我當初就唔會離開香港，同埋出席呢個活動，都係冇錢，自己自願嚟，始終都係代言人。」
採訪、攝影：黃曉妍
from:
http://hk.apple.nextmedia ... 141130/18952386
