現年30歲的周永恆（Roy），今年9月23日晚，涉嫌在守行為期間到分居太太趙頌茹（阿Yu）屯門娘家吵鬧，又WhatsApp恐嚇會殺死妻女及自殺後被捕，昨日法庭判Roy普通襲擊罪罪成獲准保釋，下月底宣判。裁判官於庭上斥Roy不成熟，不應喊打喊殺解決問題，Roy卻突然舉手，結果遭裁判官訓斥，事後他解說自己腦海一片空白，並多次說：「我好掛住對女。」獨力養女的阿Yu昨日則港澳頻撲𢱑銀養家，對於分居丈夫罪成，她稱希望對方未來能走自己的路，並盼盡快離婚甩難。
周永恆昨日到屯門裁判法院再度應訊，他被指9月底在分居太太趙頌茹娘家搗亂，原本警方控告他涉嫌刑事恐嚇罪，法庭昨日則改控普通襲擊罪，Roy當庭認罪，裁判官押後至下月30日宣判，這期間他可以保釋。
Roy昨穿上羽絨外套戴上黑超，在代表律師陪同下現身法庭，律師在庭上求情時指Roy與分居妻子、案中第一證人阿Yu結婚4年，育有分別四歲及兩歲的女兒，阿Yu在8月已搬離家。律師指Roy掛念兩女，當日他只是想向阿Yu索取事發前一日母女去迪士尼照片留念。
官斥：極不成熟
裁判官指重點是當事人所犯的事情有暴力傾向，威脅到其他人，無論發生任何事情，都不應使用暴力，特別是處理家事更應容忍，Roy聽到點頭。裁判官斥Roy是極不成熟、極不負責任且放縱的人，不明為何身為男人、為人夫兼人父卻這樣。這時Roy突然舉手，裁判官即訓示：「你唔好再喺我法庭上失行為，否則我會困住你。我已經話緊你律師唔好喺法庭講冇必要嘅嘢，要對症下藥，你就喺度舉手。唔單止呢個法庭，你都要尊重你律師，有乜嘢你律師會講。」
早上現身法院時仍面帶笑容的周永恆由家人陪同出庭。
面對大批記者追訪，周永恆仍保持笑容。
Roy的代表律師再求情，裁判官即說：「佢（Roy）絕對唔係一時衝動，簽保期間再犯。」裁判官又指重點是解決問題而非判罰形式。Roy認罪後到庭外，記者問他為何在庭上突然舉手？他說：「我𠵱家個腦一片空白……」律師聞言即帶Roy返回法院暫避。問到Roy想跟囡囡過聖誕嗎？他說：「都唔見得兩個女，亦聯絡佢哋唔到。」會買禮物嗎？他重複說：「都聯絡唔到佢哋，但我好掛住佢哋。」當他入升降機前，記者問他跟小三劉依靜（Ruby）關係時，他笑而不答。
嘆見唔到兩女
Roy昨午12時許在家人陪同下乘保母車離開，Roy神情輕鬆，問到後日做冬怎過？他反問記者：「幾時做冬？都係同家人食飯，都係見唔到個女喇。好想見。幾個月見唔到喇。」
採訪：林綺琪、黃曉妍
攝影：陳俊強
from:
http://hk.apple.nextmedia ... 141220/18975053
