派對中不慎「食多咗」，便要下多點工夫，調節之後的食量及多做運動，踢走多餘脂肪。註冊營養師陳玉儀建議，上班族可趁午飯時間，離開公司外出散步，增加活動量；甚至放工後，抽時間額外做運動，如跑步或到公園散步等，避免久坐。
下一餐減少食量
「其實喺派對舉行期間，唔一定要全程坐喺度食嘢，可以企喺度大家傾嚇偈。或者派對完咗，就一齊出去行一陣，唔好即刻坐低又再埋頭苦幹。」上班族如在日間出席派對期間「狂食」，當日的晚餐便應調節一下，減少進食量，例如只吃半碗飯，或只吃蔬菜水果當一餐，避免全日攝取太多卡路里。當然三餐需保持均衡飲食，才不會增加肥胖風險。
不少人會在聖誕節或元旦期間，出席多個慶祝派對，如吃太多高鹽份的食物，或令身體出現水腫問題，令體重明顯上升。在派對後，宜多吃蔬果，如香蕉、薯仔等，從中吸收更多鉀質，以減低體內的鈉水平，有助去除水腫。由於鉀質屬水溶性，建議以焗、炒方法烹調蔬菜，或煲菜湯飲用，可吸收較多鉀質。
《蘋果》記者
from:
http://hk.apple.nextmedia ... 141217/18972078
