鄭秀文Sammi扭腰大曬馬甲線

Sammi為個唱操出腹肌和馬甲線，率先在唱片封套中展示成果。

鄭秀文（Sammi）今日推出新曲加精選唱片，近期為個唱操弗身材的她，率先在唱片封套展示弗爆成果，著上露臍裝騷六嚿腹肌和馬甲線，在鏡頭前扭腰跳舞表現風騷，她說：「今次著嘅衫好需要靚線條，呢兩日努力加操，令腹肌同背部線條更完美。」

Sammi唱片封套
來自北京的攝影師兼視覺藝術家陳漫更大讚Sammi氣質好，Sammi說：「佢總會發現我最美嘅一面，我哋合作精采到起曬雞皮！」至於碟名取名《Miracle》，Sammi解釋：「呢個字喺聖經中好重要，我嘅歌唱歷程都好miracle，起起跌跌，呢個字亦好代表我，裡面有『Mi'即係Sammi。」

撰文：皓騫
from:http://hk.apple.nextmedia ... 141219/18973933

相隔5年，鄭秀文（Sammi）昨晚再現紅館舞台，一連舉行12場的「Touch Mi鄭秀文世界巡迴演唱會」。昨日傍晚開騷前，Sammi先與工作人員在後台舉行切燒豬拜神儀式，不過身為教徒的她就雙手合十祈禱。之前演唱會門票被炒高多倍，昨晚開騷全場爆滿，並吸引不少圈中人捧場，當中包括徐小鳳、鍾楚紅、佘詩曼等，小鳳姐更打趣說：「我場場都嚟睇！」

身材欠奉的Sammi，大膽穿透視露背泳衣唱《螢光粉紅》。

演唱會舉行前，Sammi與眾工作人員齊齊切燒豬。

大批觀眾在場外排隊買Sammi演唱會T恤（右圖）等紀念品。

快歌掀起觀眾情緒

紅館場外，設有不少演唱會紀念品發售，包括海報、T恤、毛巾及iPhone6手機殼及手錶等，最貴售價為480港元的手錶。

晚上8時50分開騷，X形四面舞台設計，Sammi一身外太空戰士造型，透視bra top、下身襯泳衣，戴上鑲滿珍珠及水晶的獨角獸的頭盔，型爆出場，獻唱演唱會主題曲《Bang Bang Bang》，並配以煙花爆破效果，非常精彩。施展渾身解數的Sammi唱第2首歌時，即除下外套，以透視露背泳衣，演繹《螢光粉紅》一曲，前段已唱盡多首快歌，帶起觀眾的情緒。

採訪：盧妹
攝影：沈健程
from:http://hk.apple.nextmedia ... 141221/18976209

衫評：「類似肚兜，太好身材着唔到，但唔太欣賞喇叭褲，但總括都好睇。」

Sammi前晚在紅館舉行頭場演唱會，換上10多套歌衫示人。

合共12場「Touch Mi鄭秀文世界巡迴演唱會」前晚假紅館開鑼，鄭秀文（Sammi）的另一半許志安甘做背後的男人，全晚在後台默默支持Sammi演出，嘉賓古天樂更以「許太」稱呼Sammi，令她甜到入心，露出冧爆笑容。

鄭秀文前晚在紅館開騷，與古天樂合唱張國榮《為你鍾情》，古仔唱到「以後同用我的姓」時，大叫Sammi做許太，唱完後又說：「多謝許太，我今日係為許生唱畀你聽。」前年有傳Sammi和安仔在峇里舉行婚禮，今年6月安仔兄長出殯，Sammi以「弟媳」身份與安仔送花圈，默認兩人已婚。

「我曾經好怕輸」

Sammi又演繹老公的歌曲《一步一生》和《唯獨你是不可取替》，全場歌迷大叫安仔，不過安仔始終沒有現身，反而另一個安仔──C AllStar成員安仔上台做嘉賓，Sammi鬼馬說：「咦？同我屋企嗰件唔同樣嘅？呢個靚仔啲。」安仔扮驚說：「我唔敢喺呢度叫安仔！」Sammi即抵死說：「係喎，會畀人打喎。」

徐小鳳（中）、鍾楚紅（右）前晚亦是座上客。

「許太」獲安仔在後台撐場。

Sammi父母特地來捧愛女場。

相隔5年再踏紅館的Sammi說：「我好enjoy，終於唔使日日食烚雞烚肉，食到我個樣成個烚字咁。」曾患情緒病的她唱《長恨歌》感觸說：「最佳女主角提名咗十幾次都冇攞過，搞到我冇晒自信。年輕時個性好大漏洞，我從來唔係需要贏嘅人，但我好害怕輸，𠵱家最緊要心態健康及紮實，就唔會被影響到。」

採訪：盧妹
攝影：沈健程

表演精采　衫夠大膽

鄭秀文前晚個唱換了10套歌衫登場，本報請來時裝設計兼形象指導張學潤（Nelson）品評，他讚整體衫有足夠舞台效果，但沒以前Nike眉、鹿角突破驚喜，不過尺度大膽了。

【倒吊羅拉】
衫評：「似盜墓者羅拉，鄭秀文可以帶領香港女歌手着呢啲衫嘅潮流，但氣質差啲就似dancer。」

【空中飛人】

Sammi感性表示自己曾經好怕輸，但現時心態夠紮實，不易受影響。

【透視雀仔】
衫評：「有少少未來科幻feel，襯佢短髮，呢套衫真係要瘦人先carry到，如果唔係好易着得肥。」

　

【古仔踢爆】
衫評：「粉紅晚裝設計都特別，將唔同顏色、物料令造型好有層次感，晚裝得嚟都好有時代感。」

【非男非女】
衫評：「一邊西裝一邊bra，一邊短褲一邊長褲，好老實咁多套我最唔鍾意呢套，意念唔新鮮，半男半女好多人做過，又唔鍾意呢個Boney M髮型，顯得佢頭好大。」

鄭秀文演唱會曲目

1.Bang Bang Bang
2.螢光粉紅
3.煞科
4.天生一半（Masta Mic合唱）
5.非男非女
6.十誡
7.男仕今天你很好
8.放不低
9.一追再追＋追
10.時間之光（安仔＠C AllStar合唱）
11.天梯（C AllStar）
12.愛是（MC仁合唱）
13.戰勝自己（24味合唱）
14.Hallelujah
15.上帝早已預備
16.朝聖
17.問我
18.為何又是這樣錯
19.玻璃鞋
20.終身美麗
21.長恨歌
22.Do Re Mi
23.輸得漂亮
24.為你鍾情（古天樂合唱）
25.Water Of Love／起哄／獨家試唱／星秀傳說／信者得愛（MC仁合唱）
26.火熱動感la la la
27.唯獨你是不可取替
28.捨不得你
29.一步一生
30.不要驚動愛情
from:http://hk.apple.nextmedia ... 141222/18976909

黃偉文前晚做Sammi演唱會的特別嘉賓。

鄭秀文前晚繼續在紅館舉行第二場演唱會，找來好友黃偉文擔任特別嘉賓，兩人一見面即手拖手和擁抱，Wyman笑說：「佢以前啲人際關係差，不過𠵱家唔同，交遊廣闊，成個人唔同晒，所以話另一半幾重要呢！」台下觀眾隨即大叫「安仔」（許志安），Sammi聽到甜笑！

Wyman自爆為了有型，不單碌盡一生的人情卡在紅館開演唱會，他還說：「我千辛萬苦，死都唔簽返TVB，有型囉，為咗唔畀機會佢哋要我做一個15點嘅節目！」

撰文：張嘉澄
from:http://hk.apple.nextmedia ... 141223/18978020