胡杏兒早前有傳約滿大台後會離巢，近日獲公司以過千萬酬金挽留，事業得意據知愛情也有不俗發展。
昨日有雜誌報導指杏兒個多月前已暗撻舊拍檔鄭嘉穎，杏兒上週三慶祝35歲生日時，在派對上不避嫌跟嘉穎越坐越近，不時細聲講大聲笑，令同樣在場的杏兒緋聞男友李思捷十分冇癮，又謂杏兒近日有意北上發展，故向在內地發展多時的嘉穎問路而搭上，更指她近日學做蛋糕討好男方。
朝早通電話
杏兒昨晚與鄭嘉穎前後腳到跑馬地出席週刊活動，被記者追問跟嘉穎的戀情，她笑說昨日一早不停收到朋友的訊息，她說：「啲朋友係咁send段報導我睇，好明顯係看圖作文。同佢唔會啦，都咁多年同事，反而想工作上合作多啲。」她表示兩人不會因此尷尬，更謂昨晨已經通過電話大笑一番，暗示已夾口供。對於有指緋聞男友李思捷在生日派對上黑面，杏兒表示不知情：「唔知喎，佢冇嘢嘅。」
稍後到來的嘉穎到場接受訪問時笑說：「𠵱家啲創作越來越無限，本來唔係事實嘅嘢唔回應，不過唔想阻人（胡杏兒）發達，所以先解釋，識咁耐要都發展咗啦。」他還即場呼籲有意的男士說：「喂，快啲嚟搵佢。」
嘉穎舊愛周麗淇（左）亦已找到男朋友，事業仍大有發展。
舊愛夠風騷
此外，鄭嘉穎舊愛、35歲的周麗淇（Niki）跟內地小生徐正曦已到談婚論嫁階段，在內地發展也非常順利。前日事業愛情都得意的Niki跟助手到銅鑼灣行街，不到一小時已滿載而歸，Niki發現記者拍照時依然保持笑容，打過招呼後，便上了一間樓上髮型屋恤髮。
採訪：黃曉妍
攝影：仇志德、畢紹基
from:
http://hk.apple.nextmedia ... 141112/18931651
