懷孕4個多月的陳茵媺（Aimee）積極搵奶粉錢，昨日與黃浩然、Alice B.及趙世曾偕女伴等在沙田馬場出席活動。穿上火紅色長裙的Aimee谷胸兼肚凸凸，更穿上高踭鞋，她說：「今次個肚大得好快，4個幾月已經好似第一胎嘅6個月，但未照仔定女，嚟緊會睇醫生。」她期望順產，她說：「雖然生產過程好痛，但感覺同小朋友關係close啲，同另一半都覺得特別啲。」有指陀BB好旺，問可有投注買馬？她說：「係咩？咁有冇貼士？」
被譏比華利山大王
Aimee與老公陳豪（Moses）自從搬入大埔豪宅比華利山獨立屋後，接連招惹是非，繼Aimee被斥為BB棄養三隻貓後，又被外籍鄰居鬧爆佔用公地泊車，自製Tee發洩，Aimee直言很驚訝說：「對方開始好nice，今年新年仲主動叮噹我哋門，畀利是我囝囝，估唔到咁extreme（極端），不過會小心。」是否擔心將來出入？她說：「總之小心，由始至終冇做乜令對方唔舒服嘅事，我哋係泊私人地方，冇泊過去，冇做影響對方嘅行為。」有沒有發生過衝突？她緊張說：「No！No！No！佢其實好nice，我哋想harmony（和睦）一啲，大家住同一地方，可能小誤會。」可有收過屋苑投訴？她說：「唔知，我哋管理處都好好，有同我哋講唔好意思。」她表示無意搬屋，對Moses被譏是比華利山大王，Aimee不嬲反而冧爆笑說：「He is my king.」
陳豪 資料圖片
Aimee表示投訴老公陳豪的外籍鄰居開始時好nice。資料圖片
早前感染「貝賽特氏症」的黃浩然已逐漸康復，昨見他精神不錯，直認放假心情輕鬆，體重亦回升，他說：「之前餓得太耐，病後第一餐食咗阿媽兩『嘜』米，𠵱家要跑步keep fit。」
撰文：嵐山
攝影：陳順禎
陳茵媺腹大便便，為靚仍堅持穿高踭鞋示人。
離巢後的楊洛婷工作多多，昨擔任司儀。
潘紹聰X柳俊江
星期一至五晚晚「搵鬼睇」
http://hk.apple.nextmedia.com/horror
from:
http://hk.apple.nextmedia ... 141027/18913455
