Whitney日前下午離開診所後，就到了附近生果店買鮮榨果汁。
【太子】現年二十三歲、前年六月參加《求愛大作戰》，被形容為「平民女神」的Whitney，節目播完不久即跟「模媽」Mia（陳靜儀）前夫莊家傑閃婚，去年六月更誕下八磅肥B，原來Whitney再度有喜！做人妻後，Whitney經常在社交網上載一家三口幸福照。不過，本周三下午四時左右，Whitney孭住囝囝獨自現身太子。
身形纖瘦的Whitney當日將囝囝潮孭在胸前，眼仔睩睩的囝囝，兩腳揈揈，不停左望右望，對身邊的事物頗感興趣，之後Whitney孭囝囝走入一間婦科診所。Whitney步入診所前先拆開新買的口罩為自己戴上，然後再幫囝囝戴，但Whitney未有為囝囝準備兒童口罩，口罩大過臉，囝囝又兩頭擰唔想戴，最後Whitney惟有用手按着口罩封住囝囝臉，十分搞笑！
已戴上口罩的Whitney，未有為囝囝準備兒童口罩，搞到口罩大過臉。
Whitney經常在網上貼一家三口幸福照。
「未夠三個月」
離開診所後，Whitney行到附近生果店買鮮榨果汁，見她不時要叉腰企，明顯出現疲態。本報致電Whitney問她看婦產科醫生是否再有喜？Whitney最初只是不停笑，但最後仍按不住喜悅：「未夠三個月呀！估唔到話想生羊B真係有，好開心，我同老公都想生個囡囡，但有啲緊張，因為知道生嗰時有幾痛。」
Whitney說囝囝現在九個月大，早前家傭突然失蹤離職，現時她每天清晨便要起床照顧囝囝。她說：「好彩我主力做網上美容生意，可以全天候照顧囝囝，希望新工人姐姐快啲嚟，我怕個肚越嚟越大，照顧唔到囝囝。」
採訪：小米
攝影：李志明、吳耀輝
from:
http://hk.apple.nextmedia ... 150228/19057519
