Whitney報喜陀馬B

媽模陳靜儀（Mia）前夫莊家傑今年8月同Whitney閃婚，雖然莊家傑同Mia已有對仔女，但現任老婆Whitney好想幫老公生B，兩公婆啱啱去完日本造人，返咗嚟Whitney就不停驗孕，大前日終於宣佈有喜。

馮仁昭前晚傳短訊恭喜Whitney，佢即傳笑臉公仔同勝利手勢，默認有孕，佢唔肯講𠵱家幾多個月，問佢鍾意仔定女？佢話：「未知，都鍾意。」仲話老公已有獎賞：「佢好錫我，肯分擔家務，幫手照顧寵物，唔想我操勞。」Whitney話會照顧好自己同BB，噚日中午仲貼咗喺屋企嘆下午茶嘅相，有水果茶同曲奇。

Whitney同老公莊家傑造人成功，馬年會有家庭新成員出世。

老公拒助養

將為人母嘅Whitney愛心爆棚，噚日喺fb留言話想助養四名小朋友，不過老公反對，Whitney話：「有人激動說：『無端端助甚麼養，用在其他地方不是更好嗎？已經助養了嗎？』我說：『還未，填寫資料中，以前都想，不過一直沒做，今天難得有時間休息，就想想有甚麼未做，於是……』真不明白，只是用自己的錢，真不明他激動阻止甚麼……是我儍還是他賤？」唔知係咪激嬲大肚婆，莊家傑轉頭又𠱁番老婆，Whitney仲貼咗張老公嘅相，立即冧晒。

日前不停驗孕嘅Whitney，大前日宣佈有喜。互聯網圖片

懷孕Whitney噚日喺屋企嘆下午茶。互聯網圖片
from:http://hk.apple.nextmedia ... 131204/18535305

Whitney用人奶餵育囝囝Chalmers，個多月的他轉眼已有11磅。

盛女Whitney上月為老公莊家傑誕下囝囝Chalmers，日前才滿月，新手潮媽把囝囝湊得肥肥白白。Whitney再宣佈有「喜」，她昨日在電話中說：「今次陀嘅係『妹妹』，下月底就出世。」Whitney口中的「妹妹」，其實是她的自家美容品牌Whit Whit，她日前坐完月即出關，飛大阪岡山的廠房監察生產過程，Whitney更穿上保護衣，由頭包到落腳。

Chalmers輪廓分明，長得精靈活潑。

擲百萬跨國合作

Whitney表示陀着Chalmers時，已開始籌備這盤生意，她說：「我一直keep住籌備，當時大肚唔可以飛日本，𠵱家坐完月即刻飛過去跟進，呢次我投資咗7位數字，好開心可以同日本仲有美國兩地合作。」兩日一夜的行程，Whitney不時記掛囝囝，臨飛前又揼定足夠人奶存放雪櫃，她說：「好彩都夠佢食，我好擔心餓親囝囝。」轉眼兒子已11磅，Whitney得戚說：「證明我啲奶幾好營養。」

抱仔抱到筋膜炎

Whitney親力親為湊仔，不過就抱到手痛有筋膜炎，她說：「肌肉好緊好痛，要去睇吓醫生。」老公都非常體貼，放工回家即刻分工幫手照顧囝囝，讓Whitney可休息。

已有一子的Whitney計劃3年後才為Chalmers添弟妹，她說：「呢段時間我想搞好美容品生意先，新產品下個月左右就面世，真係好似陀個女咁緊張。」
from:http://hk.apple.nextmedia ... 140712/18796807