「寸嘴Barbie」夏尉喻昨現身活動時，被發現其G Cup西瓜胸再「暴脹」，有份成為「星女郎」將接拍周星馳（星爺）新片的Barbie，正努力備戰。為贏得更多戲份，向來擅於搶鏡的她繼續出招，先是將Big爆西瓜胸再「泵脹」，效果直逼H Cup，又自誇夠大膽及有才藝，出盡力博取星爺歡心！
Barbie超爆G Cup西瓜胸，昨又見暴脹。
籌備多時，由周星馳執導的新片《美人魚》即將在深圳開拍，早前星爺舉行演員招募活動，從幾萬個自薦者中挑選數名演員，最終「寸嘴Barbie」夏尉喻、周秀娜師妹許雅婷及日模松岡李那脫穎而出，與內地演員林允、徐軫軫、孫嘉靈及茵茵成為「星女郎」，男主角則傳是台灣男星羅志祥（小豬）。
簽保密協議
向來搞笑的Barbie拍片自薦時以無厘頭Rap搶晒鏡，短片內爆笑「Hey」足32次，在選拔賽當晚身穿美人魚尾又仆低玩「撻肥生魚」，結果贏得「大膽才藝獎」！昨日，Barbie聯同石天欣及高鈞賢到觀塘出席有線真人騷《十萬蚊港女大翻身》記者會時再出招，身穿超低胸螢光橙小背心大晒四吋事業線，原本已超爆的G Cup西瓜胸再有「進脹」，效果直逼H Cup！其後她笠上巨型泡泡球玩人肉碰碰波，笑言還抖到氣，並自爆近日體重增至117磅：「做多咗運動，不知不覺食多咗，每日又要操水，胃口都好咗，我嘅目標係減到106磅。」
自認胖了的Barbie，望操Fit展現美人魚的優美姿態。
有線娛樂執行董事曾展章與嘉賓及參賽者出席記者會。
關希敏在有線真人騷《十萬蚊港女大翻身》贏得十萬港元。
Barbie透露已接獲劇組通知Hold檔期，稍後有份參演《美人魚》，惟角色及詳情有待公司與電影公司方面斟洽。問到是否要保密？她笑說：「係呀！因為參賽期間簽咗保密協議。（驚穿咗畀人炒？）梗係驚啦，大家幫幫手啦！」她又笑言會在電影中展示「大膽」及「才藝」，至於是否性感為主？她說：「性感係包裝呢件事嘅外殼，內裏應該係個大膽嘅美人魚，但實際角色唔清楚。（有咩才藝？）例如Rap、即場反應去做動作、變表情，呢啲都係之前Training期間學。」
身形上落大
自認肥魚的Barbie表示會努力收身，減少吃澱粉質、零食及多做多運動：「因為我係水腫型，身形好易大上大落。（驚縮胸？）之前試過好瘦時都會縮啲，所以睇落會好大差別，希望Fit啲，可以優美地展現美人魚嘅姿態啦！（星爺要你瘦定肥？）唔清楚，我淨係想自己Fit啲，靈活啲。（佢冇要求？）我諗要求演技、大膽才藝方面多啲。」
此外，在昨日的活動中，有線公布節目的贏家，由「狂舞港女」關希敏贏得十萬港元，她表示想用獎金學跳舞，並實現夢想將來可教授舞蹈。
文：影視組
from:
http://orientaldaily.on.c ... /00282_001.html
