昨日網上流傳一段蔡少芬跟老公張晉在停車場疑逆線行車的片段，張晉偷位泊車期間一度與迎頭車「頭對頭」，險象環生。事後張晉在電話中解釋當時情況，他相信事件只是一場誤會：「最重要問心無愧。」
片段中，張晉駕駛的七人車（箭嘴示）因偷位泊車而逆線行駛，Ada亦有下車為老公解畫。
蔡少芬（Ada）跟老公張晉被指在元朗某停車場中逆線行車，有網民昨日將有關片段上載Facebook並留言說：「逆線行車不止，仲要我讓她，要我倒車畀佢逆線行。大佬，我後面都有車頂住。雖然明星有揮手言謝，但安全第一呀！」片段中駕駛著七人車的張晉正在掉頭偷位泊車，過程中未有打死火燈，只揮手示意，Ada亦有下車為老公解畫。掉頭期間張晉座駕一度跟迎頭車輛「頭對頭」，險象環生，令該車輛被迫後退讓位，引起對方不滿，指他逆線行車。
蔡少芬和張晉對於被指逆線行車，張晉解釋只是一場誤會。
蔡少芬：係誤會
張晉昨接受電話訪問解釋當時情況，相信事件只是一場誤會，他語氣平靜說：「當時我泊緊車，但個車位本身有幅牆擋住咗，所以我要掉轉頭去泊，同時間有架車迎頭駛嚟，可能因為咁誤會咗我逆線，我都有揮手示意，希望對方等一陣，Ada都有落車唔該對方。」問到會否因此事怕了班街坊，他笑言：「冇辦法，我又冇做錯，都已經儘量解釋番，解唔到都冇辦法，最重要問心無愧。」
Ada昨日也透過短訊回覆，表示對方可能以為他們想霸位才「逆線」：「因為我哋架車大，車頭入唔到，尾入又會撞牆，要逆線偷位先泊到，可能對方以為我哋想霸位先咁做，但其實我哋最初泊位嘅時候後面並冇車跟住，只係誤會。」
其他網民普遍認為事件只屬「小事」：「好小事啫，停車場成日逆線，人哋都唔該咗你。」、「十個有九個喺停車場都會逆線行一段仔路啦。」但亦有網友批評張晉做法：「停喺斜路阻住後面，人哋要爬頭上，而爬頭係極危險，因為佢阻住人視線。」
文：專案組
From:
http://orientaldaily.on.c ... /00282_033.html
