蔡少芬大女變水母

蔡少芬為大女設計人形水母造型，參加學校親子派對。微博圖片
蔡少芬與張晉育有兩個寶貝女，6歲的楚兒和4歲的信兒，一個讀幼稚園，另一個已經升了小學。學校除了功課之外，還有不少主題式的親子活動。蔡少芬和大女楚兒近日參與了學校名為「海洋生物派對」的親子活動，她為大女想了一個與別不同的海洋生物造型，不過這位充滿演戲細胞的媽媽，明顯是沒設計方面的細胞，她配合環保主題，用包裝卜卜紙、碎布造成的帽，加上燈光效果，令囡囡變成一隻人形水母。

蔡少芬前日把自己與囡囡的人形水母造型合照放上微博，更指囡囡是「BB jelly fish」，供大家品評和欣賞，無論是讚是彈，兩母女已經盡了最大的努力，精神可嘉。

撰文：非非
from:http://hk.apple.nextmedia ... 170607/20046687

《香港小姐競選》雖然中間停辦過幾年，但係原來唔經唔覺由第一屆香港小姐到o依家已經過咗足足七十一個年頭，當中參選嘅佳麗更加係不計其數，而原來有唔少佳麗喺參選時都非當年輕，有部份更加係雙十年華都未到就已經嬌艷欲滴嚟同各界佳麗爭艷鬥麗。

邱淑貞
無數人心目中永遠嘅女神邱淑貞早喺1897年以19歲之齡參選香港小姐，更加係首位入選最後十二強嘅佳麗，不過後來就被同屆嘅候選佳麗指控佢曾經幫個下巴整容，令到豆豆因而退選，柳暗花明又一村，呢件事無礙豆豆嘅事業發展，而喺1999年嫁咗俾商人沈嘉偉嘅豆豆o依家亦已經淡出娛樂圈，現時49歲嘅佢仲育有三名好靚嘅囡囡。

蔡少芬
近年喺大陸發展嘅蔡少芬出名好戲就大家都知，而佢就喺1991年17歲嘅時候就參選香港小姐，雖然最終不敵同屆嘅郭藹明同周嘉玲屈居季軍，但係佢都成功踏入娛樂圈，更憑住佢嘅演技越做越紅，現時43歲嘅佢就喺2008年佢就同大陸男星張晉結婚，現時肓有兩女。

麥家琪
1993年18歲嘅麥家琪籍參選香港小姐而進入娛樂圈，佢喺大台做咗冇耐就過檔去到亞洲電視，更加成為當時嘅當家花旦之一，好似《我和僵屍有個約會》等都搵到佢嘅身影，而喺電影方面佢就有非常多嘅性感演出，喺《偷窺無罪》中更全裸出鏡，現時42歲嘅佢喺2006年同王國豪律師結婚後肓有兩子一女。

李珊珊
39歲嘅李珊珊喺19歲嘅時候就參選1996年嘅香港小姐，憑住36E嘅勁爆身材拉出極為誘人嘅S形，令佢順利奪得該屆港姐后冠，而佢更被稱為史上身材最好嘅香港小姐冠軍，奪冠後有唔少狂蜂浪蝶埋身嘅佢當年就揀咗同錢嘉樂拍拖，一拍就拍咗8年，喺2006年分手。

陳思齊
原名陳凱怡嘅前大台藝員陳思齊，喺2000年年僅18歲就參選香港小姐，不過最後大熱倒灶五甲不入，作為當年大熱嘅佳麗之一，出道多年以嚟都只可以喺劇集當中演配角或路人，而期中演得最多嘅就係古裝劇中嘅丫環，但係佢就因為一次貪靚，喺12年已經幫一間藥廠做代言，仲親身去示範打Botox，整鼻同下巴，但打Botox嘅劑量over咗，搞到個樣唔同咗而做過封面。
from:http://hk.apple.nextmedia ... 170803/20110548

素顏的蔡少芬對着女兒又攬又錫。微博圖片
蔡少芬為老公張晉生了兩個可愛的女兒，現年6歲的大女張楚兒（湯圓）和4歲細女張信兒（包子）。蔡少芬和張晉雖然努力賺錢，但會抽時間陪囡囡玩，早前蔡少芬和大女一齊做勞作，在微博見到她一家的互動相，非常溫馨。轉眼間，大女湯圓已幼稚園畢業，即將升讀小學。

昨日蔡少芬在微博上載與兩女兒的咀嘴相，並留言道：「湯圓包子上學了！時間過得太快，不捨得你們長大！湯圓這樣就一年級了……包子就K2了！媽媽爸爸愛你們啊！願新的一年，學好玩好！」相中所見，素顏的蔡少芬對着兩個女兒又攬又錫，依依不捨，母女之情，真是難以言喻。

撰文：非非
from:http://hk.apple.nextmedia ... 170809/20115600